liv tibbi bölmələri
Check-Up
Check-up
Check-up Klinikası
Sağlamlıq üçün risk törədən ətraf mühitin çirklənməsi, stress, yanlış qidalanma və genetik risklər müxtəlif xəstəliklərdə özünü əks etdirir. Sağlamlığınızı qorumaq üçün vaxtaşırı olaraq müayinələrdən keçmək lazımdır. Liv Hospitalın Sağlam Həyat və Check-up Klinikasının təklif etdiyi check-up proqramlarında hər yaş və cins üçün xüsusi xidmətlər təqdim olunur.Hər birimiz sağlam və uzun bir ömür yaşamaq istəyirik. Sağlam, uzun və keyfiyyətli həyat yaşamaq düşündüyünüz qədər çətin deyil. Liv Hospitalın Check-up və Sağlam Həyat Proqramları ilə xəstəliklərə "Əlvida", sağlam həyata "Salam" deyə bilərsiniz...
Check-up nədir?
Check-up hərtərəfli müayinələrin keçirilməsi vasitəsilə sağlamlıq vəziyyətinin yoxlanması üzrə proqramın ümumi adıdır. Check-up proqramlarına sağlamlıq tarixçəsi, fiziki müayinə və testlər daxildir. Check-up proqramları xəstəliklərin erkən diaqnostikasında və müalicəsində böyük əhəmiyyət kəsb edir.Nə üçün check-up müayinəsindən keçməliyik?
İnsanın ən qiymətli sərvəti sağlamlığıdır. Sağlam yaşamaq və bu sərvəti qorumaq üçün mütəmadi olaraq müayinələrdən keçmək lazımdır. Liv Hospitalın Check-up və Sağlam Həyat Proqramlarında hər yaş və cins üçün xüsusi xidmətlər təqdim olunur.Sağlamlıq üçün risk törədən ətraf mühitin çirklənməsi, stress, yanlış qidalanma və genetik risklər müxtəlif xəstəliklərdə özünü əks etdirir. Liv Hospitalın Check-up və Sağlam Həyat Klinikası ilə xəstəliklərdən qorunmaq, mövcud olan xəstəliklərin erkən mərhələdə diaqnozunu qoymaq və daha sağlam həyat sürmək mümkündür! Liv Hospitalın Check-up və Sağlam Həyat Klinikasında cinsiyyət və həyat tərzi ilə bağlı risklər və ya ailədə olan xəstəliklərin əmələ gəlmə riskləri müəyyən edilir və araşdırılır. Erkən diaqnozun qoyulması üçün Regenerativ tibb, kök hüceyrə tədqiqatı və tətbiqi klinikası ilə əməkdaşlıqda genetik xəritənizi göstərəcək risk analizləri həyata keçirilir. Beləliklə, ailə tarixçənizi detallaşdırmaqla yaranma riski olan xəstəliklərin erkən diaqnostikası təmin edilir.
Check-up müayinəsindən kim keçməlidir?
● Özünüzə uzun və sağlam həyat yaşamağı hədəf qoymusunuzsa,● Bunun üçün nə etmək lazım olduğunu öyrənmək istəyirsinizsə,
● Hiss etdiyiniz qədər sağlam olub-olmadığınızı bilmək istəyirsinizsə,
● Gərgin həyat ritmində sağlamlığınıza vaxt ayıra bilmirsinizsə,
● Ailənizdə tez-tez rast gəlinən xəstəliklər sizi narahat edirsə,
● Xəstəlikləri erkən aşkarlamaq və asanlıqla müalicə olunmaq istəyirsinizsə, Check-up və Sağlam Həyat Klinikasına müraciət etməlisiniz.
Check-up müayinəsinin keçirilməsi necə gün çəkir?
Ambulator check-up prosedurları adətən yarım gün ərzində tamamlanır və ertəsi gün nəticələr hazır olur. Lakin insanın xəstəxanada qalmasını tələb edən daha ətraflı müayinələr həyata keçirildikdə, xəstə bir gecə əvvəl xəstəxanaya yerləşdirilir, prosedur tamamlandıqdan sonra isə ertəsi gün evə buraxılır.Genetik check-up
Liv Bona Dea Hospitalda genetik pozğunluqları yoxlamaq üçün istifadə edilən ən qabaqcıl üsullardan biri olan DNT əsaslı test də adlandırılıran gen testi DNT molekulunun özünün birbaşa müayinəsini əhatə edən hərtərəfli, fərdiləşdirilmiş genetik testdir.Bu testlərin aparılması ilə gələcəkdə sağlamlığın davamlılığı, xəstəliklərin inkişaf riski, qidalanma, çəki nəzarəti, dərmanların effektivliyinə dair genetik fonun ətraflı analizi edilir. Analizlər səriştəli, təcrübəli və güclü elmi bazaya malik komanda tərəfindən aparılır və fərdi raportlar hazırlanır.
GENETİK CHECK-UP BİZƏ HANSI MƏLUMATLARI VERİR?
Ailənizdə genetik bir xəstəlik ola bilər. Bu halda, gələcəkdə bu xəstəliyə tutulma riskinizin yüksək olub olmadığını öyrənmək və tədbir görmək istəyə bilərsiniz. Həssas DNT testi, təhlili və raportu;● Ümumi sağlamlıq və rifahın qorunması və ya yaxşılaşdırılmasını təşviq etmək üçün
● Ürək, böyrək, periferik sinir sisteminə təsir edən və gözlərin tutulması yarada bilən şəkərli diabet, hipertoniya, ailəvi hiperkolesterolemiya kimi mürəkkəb irsi xəstəliklərinin riskini aşkar etmək və ehtiyat tədbirləri görmək üçün
● Hantinqton və Altsheymer xəstəlikləri kimi yetkin yaşda yaranan nevroloji və psixiatrik pozğunluqların riskini təyin etmək və ehtiyat tədbirləri görmək üçün
● Qohumlarınız arasında müəyyən xərçəng növlərinin rast gəlinməsi səbəbindən xərçəng riskinizi müəyyən etmək və tədbir görmək üçün,
● Ailə tarixçəsində böyümə və inkşafın ləngiməsi, epilepsiya, autizm xəstəlikləri kimi xəstəliklər olan şəxslərdə genetik xəstəliklərin daşıyıcılıq statusunu müəyyən etmək üçün,
● Sonsuzluq və təkrarlanan uşaq salma ilə nəticələnən hamiləliklər kimi reproduktiv sistem pozğunluqlarının əsas genetik səbəblərini müəyyən edərək fərdi spesifik müalicə və izləmə strategiyalarını dəstəkləmək üçün,
● Mənşəyindən asılı olaraq bəzi genetik xəstəliklərdən əziyyət çəkən xəstələrin uşaq sahibi olma baxımından yüksək riski var. Hamiləlik planlaşdıran cütlükləri sağlam uşaq sahibi olması üçün lazımi məlumatlarla təmin etmək üçün
● Pəhriz və idmanla aradan qalxmayan çəki problemlərinin həllinə töhfə vermək üçün
● İnsanın genetik metabolik quruluşuna uyğun pəhriz proqramını təyin etməyə kömək etmək üçün
● İnsanın əzələ quruluşuna uyğun məşq planını təyin etmək üçün
GENETİK CHECK-UP MÜAYİNƏSİ KİMLƏR ÜÇÜN NƏZƏRDƏ TUTULMUŞDUR?
Genetik xəstəliyi aşkar etmək, ömür boyu sağlam və gənc qalmaq, gələcək nəsilləri xəstəliklərdən qorumaq arzusunda olan istənilən yaşda olan kişi və ya qadın xəstələrdə aparıla bilər.TEZ-TEZ VERİLƏN SUALLAR
GENETİK TESTİN NƏTİCƏLƏRİ MƏNDƏ GEN PROBLEMİNİN OLDUĞUNU GÖSTƏRİRSƏ, NƏ ETMƏLİYƏM?Genetik xəstəlik riskinin yüksək olan insanlarda müalicə edilə bilən bir problem aşkar olduqda, bu, insanlara əhəmiyyətli dərəcədə rahatlıq hissi verir. Sağlam qalmaq şanslarını artırmaq üçün əllərindən gələni etmək imkanları olduğu üçün əldə etdikləri biliklərin əhəmiyyətini dərk edirlər. Müalicəsi mümkün olmayan bir xəstəliyin geninin aşkar edilməsi insanın artıq mövcud olan xəstəlik haqqında öyrəndiyinə bənzədilə bilər. Belə halda insan “Gələcəkdə mənim başıma nə gələcək?”, “Hansı tədbirlər görməliyəm?” kimi suallara cavab axtarmağa başlayır. Genetiklər və psixiatrlar, digər müvafiq tibb mütəxəssisləri ilə birlikdə, bu vəziyyətdə olan insanlara kömək edə və dəstək göstərə.
GENETİK TESTİN NƏTİCƏLƏRİ MƏNDƏ GEN PROBLEMİNİN OLDUĞUNU GÖSTƏRİRSƏ, AİLƏ ÜZVLƏRİM ÜÇÜN NƏ ETMƏLİYƏM?
Müvafiq gen probleminin ailənin digər üzvlərində olub-olmaması da araşdırıla bilər. Gen probleminin daşıyıcısı olan insanların sağlam övlad sahibi olması üçün prenatal diaqnostika, implantasiya öncəsi genetik diaqnostika (PGD) həyata keçirilə bilər.GENETİK TESTİN MƏXFİLİYİNƏ NECƏ TƏMİN OLUNUR?
Genetik testlərin nəticələrinə giriş Şəxsi Məlumatların Mühafizəsi Təşkilatı və qanunun qaydalarına uyğun olaraq məxfidir. Həkiminiz sizin razılığınız olmadan heç kimə genetik testdən keçdiyiniz haqqında məlumat verə və ya test nəticələrinizi açıqlaya bilməz.DNT VASİTƏSİLƏ HANSI PƏHRIZİN SİZİN ÜÇÜN ƏN UĞUN OLDUĞU MÜƏYYƏN EDİLƏ BİLƏRMİ?
Yediyimiz qidalar və daha da önəmlisi, bu qidaları həzm etməyimiz çəkinin idarə edilməsində böyük rol oynayır. DNT diaqnostika testləri insanların müxtəlif makronutrientləri: zülalları, yağları, karbohidratları necə həzm etmələri və ya onlara reaksiya vermələri kimi özəlliklərlə əlaqəli variantların alt çoxluğuna və ya genetik koddakı kiçik dəyişikliklərə diqqət yetirərək fərdin DNT-sinin ardıcıllığını müəyyən edir.LDL və HDL xolesterin, qan şəkəri və trigliseridlər də daxil olmaqla digər mühüm genetik faktorlar müvafiq pəhriz dəyişiklikləri ilə potensial olaraq qarşısı alına bilən bir çox sağlamlıq problemləri ilə əlaqəlidir. Daha sonra, bütün nəticələr maddələr mübadiləsini optimallaşdırmaq, çəkinizi idarə etmək və sağlamlığınızı yaxşılaşdırmaq üçün ən uyğun pəhrizi müəyyən etmək üçün hesablanır. Səylərinizi optimallaşdırmaq və əldə etdiyiniz nəticələri yüksəltmək üçün lazımi dəyişiklikləri etməyə kömək edəcək təfərrüatlı, tətbiq oluna biləcək addımlardan ibarət olan tamamilə fərdiləşdirilmiş hesabat verilir.
TEST NƏTİCƏLƏRİ MƏNƏ DAHA EFFEKTİV PƏHRİZ PLANI TƏRTİB ETMƏKDƏ NECƏ KÖMƏK EDƏCƏK?
Test nəticələrində sizə sağlam qalmaq üçün lazım olan qidalar haqqında ətraflı məlumatlat ehtiva edən fərdiləşdirilmiş qidalanma profili təqdim ediləcək. Məsələn, GSTT1 geninin müəyyən bir variantı olan insanlar, C vitamini çatışmazlığına genetik meylli olduqları üçün C vitaminini tövsiyə olunan gündəlik qəbul miqdarından daha çox miqdarda qəbul etməlidirlər. Eyni şəkildə, sizdə laktozaya qarşı dözümsüzlük varsa, qidalanma profilinə ishal, şişkinlik, qarın ağrısı və s. kimi simptomların qarşısını almaq üçün qəbul etməli və ya etməməli olduğunuz qidalar haqqında məsləhətlər daxildir.
TEST PROSESİ NECƏ HƏYATA KEÇİRİLİR?
Həyat tərzinizin/xəstəlik tarixçənizin təhlili ilə birlikdə test istək forması doldurulur və qan nümunəniz götürülür. Bu proses 15-20 dəqiqə çəkir. Nümunəniz genetik xəstəliklərin diaqnostikası mərkəzimizə çatdıqdan sonra nəticələr 7-8 həftə ərzində həkiminizə göndərilir. Bundan sonra test nəticələriniz həkim tərəfindən görüş zamanı ətraflı şərh edilir. Bu, təxminən 1-1,5 saat çəkir.
TEST NƏTICƏLƏRI HANSI MÜDDƏT ƏRZİNDƏ QÜVVƏDƏ QALIR?
Test nəticələri ömür boyu qüvvədə qalır. Nəticələr müntəzəm şəkildə cari məlumatlara uyğun olaraq yenidən təhlil edilir.
NƏTİCƏLƏR NƏ QƏDƏR ETİBARLIDIR?
Genetik testlərin etibarlılığı elmi ədəbiyyata əsasən aparılan testin keyfiyyətinə görə dəyişsə də, 90%-dən yuxarıdır.
ÜRƏK-DAMAR XƏSTƏLIKLƏRİNİN DAŞIYICILIĞI STATUSU
Kardio-genetik test atrial fibrilasiya kimi müxtəlif ürək xəstəliklərinin və ya adətən yaş artdıqca inkişaf edən xəstəliklər, məsələn, koronar arteriya xəstəliyinin inkişaf riskinin artması ilə əlaqəli risk faktorlarını müəyyən edir. İrsi genetik risk faktoru olan bir insanın xəstəliyə tutulma şansı yüksək ola bilər, lakin bu, həmin insanın mütləq xəstəliyə tutulacağı mənasına gəlmir.
Bu laboratoriya testi zamanı sizdən aldığımız nümunə ApoE, HDL və LDL xolesterol səviyyələri, hipertoniyanın inkişaf riski və miokard infarktı da daxil olmaqla, ürəklə əlaqəli müxtəlif sağlamlıq problemlərinə təsir edən unikal genetik markerlər üzrə təhlil edilir. Kardio-genetik test, həmçinin statinlər, beta blokerlər, angiotenzin çevirici ferment inhibitorları və hormon terapiyası da daxil olmaqla, ürək-damar sisteminə təsir edən səkkiz dərman sinfini incələyir.
Kardio-genetik test həkiminizə xüsusi genetik markerlərinizə əsaslanaraq müvafiq dərman və ya dərman dozasını təyin etmək də daxil olmaqla ümumi sağlamlıq baxımınızı həyata keçirməyə kömək edə bilər.
METABOLIK XƏSTƏLİKLƏRİNİN DAŞIYICILIĞI STATUSU
300-dən çox irsi metabolik genetik xəstəliyin xəstədə olub-olmamasınl yoxlamağa imkan verir.
Elm tərəfindən dəstəklənən, kliniki cəhətdən təsdiqlənmiş təhlillərdən istifadə edərək aparılan klinik cəhətdən müvafiq markerlər üçün testlər
Gələcəkdə anadan olacaq uşaqların doğum öncəsi və doğum sonrası sağlamlığı ilə bağlı fərdiləşdirilmiş təlimatlar təklif etməyə kömək edir
ERKƏN VƏ İRƏLİ YAŞLARDA YARANMIŞ NEVROLOJİ PROBLEMLƏR
Alsheimer, Parkinson, demensiya, epilepsiya, autizm xəstəliklərinin mövcud olduğunun müəyyən edilməsi və ya risk qiymətləndirmələri həyata keçirilə bilər.
Antidepressantlar, benzodiazepinlər, seçici serotoninin gerialma inhibitorları və atipik antipsixotik dərmanlar daxil olmaqla, müxtəlif psixiatrik dərmanlara qarşı fərdi həssaslığınız müəyyən edilə bilər.
XƏRÇƏNG RİSKİ DAŞIYICILIĞI STATUSU
Xərçəng xəstəliklərinin 5-dən 10-u ailə tarixçəsi ilə bağlıdır. Xərçəng xəstələrində tətbiq edilən genetik testlər kliniki nəticələrin aydın olmadığı halda dəqiq diaqnozun qoyulmasını təmin edə bilər.
Xərçəng xəstəliyinin müalicəsi üçün uyğun biomarkerləri müəyyən etməklə, xərçəng hallarının 20-40%-də effektiv immunoterapiya istifadəsinə nail olmaq olar.
Maye biopsiya vasitəsilə qanda sərbəst dövran edən şiş DNT-sini analiz edərək erkən mərhələdə xərçəng xəstəliklərini aşkar etmək mümkündür.
Xərçəng xəstəliyinə tutulma riski olan şəxslərə müntəzəm xərçəng üzrə skrininq testləri tövsiyə olunur. Beləliklə, xəstəlik erkən dövrdə aşkar edilir və müvafiq müalicə aparılır.
İMMUNİTET STATUSU
Genetik koddakı problemlər ilkin immun çatışmazlığına səbəb olur. İmmunitet sisteminə təsir edən 400-dən çox gen problemi müəyyən edilə bilər.
FARMAKOGENETİKA
Xəstəliyin müalicəsi üçün istifadə olunan dərmanların və onuların dozalarının seçilməsi üçün insanın genetik quruluşuna uyğun lazımi məlumatlar müəyyən edilə bilər.
PƏHRİZ, QİDALANMA VƏ İDMAN
Bu, yemək davranışlarını, qida reaksiyalarını, qida ehtiyaclarını və hətta sizin üçün ən uyğun olan pəhriz növünü aşkar etmək üçün DNT-nizin müvafiq hissələrinin təhlil olunduğu bir genetik testdir. Qluten həssaslığının kökünü tapın. Semptomlar ürəkbulanmadan başlayaraq nəfəs almaqda çətinlik və yetərsiz qidalanmaya qədər dəyişə bilər. Qluten həssaslığınızın olub-olmamasını öyrənmək və pəhriz və idmana baxmayaraq aradan qalxmayan çəki problemlərinin həllinə töhfə vermək üçün DNA-BALANCED PƏHRİZ TESTİNDƏN keçə bilərsiniz.
DƏRİ, SAĞLAMLIQ VƏ QİDALANMA
Fərdiləşdirilmiş dəri genetik profiliniz, sağlam həyat, təkmilləşdirilmiş qidalanma və baxım vasitəsilə dəri sağlamlığınıza proaktiv şəkildə nəzarət edə bilərsiniz. Hansı qidalandırıcı maddələrinin, oral və topikal tərkibli maddələrin dərinizə faydalı olduğu barəsində məlumat ala bilərsiniz.
Obstruktiv Beyin Damar Xəstəliklərində Risk Dəyərləndirmə
Beyin damarlarının tıxanıqlığı çox ciddi koqnitiv, funksional itkilərə zəmin yaradaraq ciddi zədələrə səbəb ola bilər. Ümumilikdə obstruktiv insult adlandırılan bu vəziyyət mövcud olduqda danışıq, qavrama, udma pozğunluqları, qol-ayaq zəifliyi və uyuşma, müvazinət pozğunluqları kimi hallar yaşanır. Bəzən bu tıxanıqlıqlar həyati təhlükəli ola bilər.Obstruktiv beyin damar xəstəlikləri ümumilikdə 60 yaşdan yuxarı daha tez-tez görülür, amma genetika kimi bəzi spesifik hallarda müvafiq risk amilləri olarsa, gənc yaşda da görülə bilər. Obstruktiv insult xəstəlikləri inkişaf etmədən risk amillərinin müəyyən olunması, müalicə oluna bilənlərin müalicəsi, profilaktik müalicəyə başlanması insanı böyük nisbətdə bu xoşagəlməz damar tıxanıqlığının nəticələrindən qoruya bilər. Check-up müayinə ilə “Obstruktiv Beyin Damar Xəstəliklərində Risk Dəyərləndirmə“ ilk öncə mümkün riskləri müəyyən edir, bu vəziyyətə səbəb ola biləcək xəstəlikləri araşdırır, risk müəyyən olunduqda ya da müvafiq xəstəliklər aşkarlandıqda müalicəsi, yaratqdıqları risklərin nəzarət altına alınması istiqamətində addımlar atılır.
Beyin Qanaxmaları üzrə Risk Dəyərləndirmə
Beyin qanaxması beyin damarlarının hər hansı bir səbəblə, məsələn, yüksək təzyiq ya da anevrizmaya (beyin damarlarındakı baloncuq) bağlı olaraq yırtılması ya da zədələnməsi nəticəsində ortaya çıxan qanaxmalardır. Bu qanaxmalar beynin qabıqları arasında ola biləcəyi kimi, beyin toxumasının içində də ola bilər.Check-up müayinəsi ilə “Beyin Qanaxması üzrə Risk Dəyərləndirmə” beyin qanaxmalarının qarşısının alınması və xəstəliklərin erkən aşkarlanması hədəfə alınır. Gizlincə yaxınlaşan və xoşagəlməz nəticələri özü ilə birgə gətirən beyin qanaxmalarının əlamətlərini ciddiyə almaq lazımdır. Əgər yüksək təzyiq xəstəliyiniz varsa, təzyiqinizin nəzarət altında saxlanılması qanaxma riskini azaldacaqdır. Ailənizdə (ana, ata və qardaş-bacılarda) anevrizma ya da beyin damarlarının malformasiya tarixçəsi varsa və sizdə də baş ağrısı mövcuddursa, uzunmüddətli dərmanlarla keçməyən və gündəlik həyat fəaliyyətinə təsir göstərən baş ağrıları varsa, mütləq həkimə müraciət olunmalıdır. Hər şeydən əvvəl xəstənin tarixçəsi diqqətlə öyrənildikdən sonra hərtərəfli nevroloji müayinənin aparılması lazımdır. Əldə edilən məlumatlara istinadən diaqnostik radioloji ya da laborator müayinələr istənilir. Diaqnoz qoyulduqdan sonra ağrıya səbəb olan beyindaxili qanaxma, anevrizma ya da bir başqa vaskulyar patologiya varsa, cərrahi və ya endovaskulyar müdaxilə edilir.
Unutkanlıq check-up müayinəsi
Bu gün aktiv həyat tərzi sürən hər bir insan böyük ünsiyyət və informasiya yükünə məruz qalır. Əslində unutqanlıq bir xəstəliyin əlaməti olmasa da, bəzən ciddi xəstəliklərin xəbərçisi ola bilər.Unutqanlıq varsa, bunun səbəbi mütləq araşdırılmalıdır. “Unutdum” deyən hər kəs yaddaş üçün nəzərdə tutlmuş check-up müayinəsindən keçməlidir. İnsanın və ya onun yaxınlarının diqqətini çəkən ututqanlığın hər zaman bir səbəbi var. Unutqanlıq həyəcan siqnalıdır. Beyində bəzən metabolik, bəzən də struktur pozğunluqları göstərən həyəcan siqnalıdır. Unutmamalıyıq ki, gənc və orta yaşlarda alacağımız sadə tədbirlərlə beynimizi bu günə deyil, ilrəli yaşlara hazırlayırıq. Xüsusilə gənc yaşlarda artan unutqanlığın yayılması qocalıqda demensiyaya səbəb olan xəstəliklərə tutulma qorxusunu da özü ilə gətirir. Lakin gənc yaşlarda unutqanlığın səbəbi hormonal xəstəliklər, vitamin çatışmazlığı və ya həddindən artıq məşğuliyyət ola bilər. Unutqanlıq check-up müayinəsində unutqanlıq şikayətinin tibbi problem ilə bağlı olub-olmadığı araşdırılır.
Beyin check-up müayinəsi
Beyin damar xəstəliklərinin və şişlərinin müalicəsində erkən diaqnoz çox vacibdir. Beyin üzrə check-up müayinəsində hər yaş qrupu üzrə proqrama müraciət edən şəxslər ətraflı nevroloji müayinədən keçirilir, daha sonra yaşlarına və risk qrupuna uyğun görüntüləmə üsulları ilə müayinə edilir. Görüntülər təcrübəli neyroradiologiya mütəxəssisi tərəfindən şərh edilir və xəstənin vəziyyəti nevroloji elmlər şurasında qiymətləndirilir. Unutmayaq ki, beyin qanaması və insult qarşısı alına bilən xəstəliklərdir. Erkən diaqnoz qoyulduqda beyin şişləri çox uğurlu şəkildə müalicə edilə bilər.Check-up zamanı həyata keçirilən prosedurlar hansılardır?
Həkim tərəfindən ətraflı fiziki müayinə və həkimlə yekun görüş aparılacaq testlərin istiqamətləndirilməsi, lazımi konsultasiya qərarlarının verilməsi, nəticələrin qiymətləndirilməsi və tövsiyələrin verilməsi məqsədilə həyata keçirilir.Qan analizləri vasitəsilə insanın metabolik, hormonal, hematoloji cəhətdən sağlamlıq vəziyyəti və orqanların necə işlədiyi də müəyyən edilir.
● Radioloji müayinələrdən ilk sırada rentgen və ultrasəs müayinələri gəlir.● Lazım olarsa, orqanların görüntülənməsi prosedurlarına qabaqcıl texnologiyadan istifadə edilən testlər əlavə edilir.
● Funksional testlərdə ürək və tənəffüs sisteminin effektivliyi yoxlanılır.
● Endoskopik görüntüləmə prosedurlarının məqsədi mədə-bağırsaq sisteminə birbaşa giriş etmək və lazım olduqda nümunələr götürməkdir.
Check-up müayinəsinə gəlmədən öncə
Xahiş edirik ki, check-up müayinəsindən öncə 12 saat ərzində heç bir qida qəbul etməyəsiniz. Bu, açlıq lipid profili, qanda şəkərin səviyyəsi və bir necə digər testlərin nəticələrinin dəqiq olması üçün çox vacibdir.Bəzi dərmanlar, bitki mənşəli müalicə vasitələri və vitamin C kimi antioksidanlar qan şəkərinə və metabolik dəyərlərə təsir edir. Daimi istifadə etdiyiniz həyati vacib dərmanlardan başqa heç bir dərman qəbul etmədən gəlin.
● Check-up müayinəsindən ən azından bir gün əvvəl spirtli və kofein tərkibli içkilərdən uzaq durun.
● Check-up müayinəsindən öncə son üç gün ərzində qidalanmanıza fikir verin, daha çox tərəvəz əsaslı qidalar qəbul edin. Heyvan mənşəli qidalarından və xüsusilə ətdən uzaq durmağa çalışın.
● Check-up müayinəsindən öncə son gün ərzində bədəninizi yoracaq idman və digər məşğuliyyətlərdən çəkinin.
● Xanımlarda hamiləlik şübhəsi varsa, bu barədə bizə mütləq məlumat verilməlidir.
● Stress testi həyata keçiriləcəksə, özünüzlə uyğun ayaqqabı və rahat paltar gətirməyiniz yaxşı olar. Beta bloker dərmanlarından istifadə edilməməlidir.