Daxili Xəstəliklər
Daxili xəstəliklər
Daxili Xəstəliklər Şöbəsi
Daxili xəstəliklər üzrə mütəxəssislər gənclik dövründən qocalığa qədər davam edən yetkinlik dövründə yaranan sağlamlıq problemlərinin diaqnostikası və müalicəsi üçün xidmət göstərirlər. Bu sağlamlıq problemləri ən sadə və ən çox rast gəlinən sağlamlıq problemlərindən tutmuş nadir rastlanan sağlamlıq problemlərinə qədər geniş spektri əhatə edir. Liv Hospital Bona Dea Daxili Xəstəliklər Klinikası, xəstələrin qiymətləndirilməsi, müayinəsi, müalicəsi və təqibi zamanı milli və beynəlxalq cəmiyyətlər tərəfindən qəbul edilmiş və dərc edilmiş təlimatlarla dünya strandartlarında keyfiyyətli və təhlükəsiz tibbi xidmətlər təqdim edir.
Daxili Xəstəliklər Şöbəsi Xroniki Xəstəliklər üzrə Komandanı Koordinasiya edir
Xroniki və çoxsaylı xəstəlikləri olan xəstələrin səhiyyə xidmətləri üzrə koordinatoru da daxili xəstəliklər üzrə mütəxəssisdir. Ümumi Daxili Xəstəliklər Klinikamız 15 yaşdan yuxarı bütün xəstə qruplarına 24 saat fasiləsiz xidmət göstərir. Klinika lazım gəldikdə hematologiya, endokrinologiya, qastroenterologiya, kardiologiya, nefrologiya kimi digər sahələrlə də birlikdə işləyir. Bu yolla ən son diaqnoz və müalicə yanaşmalarından istifadə edərək etibarlı və keyfiyyətli səhiyyə xidmətlərini uğurla həyata keçirir.
Daxili Xəstəliklər Şöbəsində Düzgün Diaqnoz və Müalicə Seçimləri
Qonaqlarımıza təqdim etdiyimiz profilaktik/preventiv tibb xidmətlərində ABŞ Profilaktik Xidmətlər üzrə İşçi Qrupunun təlimatlarından istifadə edirik.
Daxili Xəstəliklər Nəyi Əhatə Edir?
Ümumi Daxili Xəstəliklər Klinikasının uzman həkimləri xəstəxananın xəstəlik halı ilə bağlı iclaslarında, ürək-damar cərrahiyyəsi konsiliumlarında, kardioloji konsiliumlarda, şiş konsiliumlarında digər sahələrlə birlikdə davamlı xidmət göstərirlər.
● Yuxarı və aşağı tənəffüs yollarının xəstəlikləri
● İnfeksion xəstəliklər
● Hipertenziya
● Şəkərli diabet
● Tiroid xəstəlikləri
● Xolesterin və triqliserid kimi qan yağlarında yüksəlmə
● Qaraciyər, mədə və öd kisəsi kimi həzm sistemi xəstəlikləri
● Ağciyər xəstəlikləri
● Böyrək xəstəlikləri
● Anemiya və digər qan xəstəlikləri
● Revmatik xəstəliklər
● Əzələ və skelet sistemi xəstəlikləri
➔ Önə çıxan xidmətlər
Yüksək Doza Vitamin C Müalicəsi
Yüksək doza C vitamini necə qəbul edilir?
C vitamini bədənimizdəki bioloji fəaliyyətlərin aktiv olması üçün lazım olan ən vacib vitaminlərdən biridir. Askorbin turşusu da adlandırılan C vitamini digər vitaminlərdən fərqli olaraq suda həll olunduğu üçün orqanizmdə saxlanılmır. Artıq qalan hissəsi bədəndən xaric olunur. İnsan orqanizmində istehsal olunan vitamin deyil. Gündəlik qida qəbulumuzla C vitaminini kənardan almalıyıq. Gündəlik qidalanma ilə bədənə qəbul edilməli olan C vitamini qadınlarda 75 mq, kişilərdə isə 90 mq-dır.
Ağızdan qəbul edilə bilən dozadan çox daha yüksək doza C vitamini damar yolu ilə bədənə yavaş-yavaş infuziya şəklində verilə bilər. İnsanın ehtiyacları və xəstəlik vəziyyəti müəyyən edilərək yüksək dozada C vitamini infuziya şəklində tətbiq oluna bilər.
Yüksək Doza Vitamin C-nin Faydaları Nələrdir??
● Vitamin C güclü antioksidantdır və bədəndəki sərbəst radikalların təmizlənməsində mühüm rol oynayır.
● İmmunitet sisteminə müsbət töhfə verərək immun sisteminin güclü olmasına kömək edir.
● Sümük, dəri və damar kimi toxumaların əmələ gəlməsində, qorunmasında və bərpasında mühüm yerə malikdir.
● Dəmir mineralının bağırsaqlardan sorulmasını asanlaşdıraraq dəmir çatışmazlığının aradan qaldırılmasına dəstək olur.
● Orqanizmdəki bütün toxumaların bərpası və inkişafı üçün lazımdır.
● Yaraların sağalmasını sürətləndirməkdə önəmli yerə malikdir.
Yüksək Doza Vitamin C Müalicəsi nədir?
Güclü antioksidant təsiri, toxumaların, hüceyrələrin qorunması və yenilənməsinə verdiyi töhfə, immune sistemini gücləndirən təsirləri ilə sağlam fərdlərin də istifadə edə biləcəyi müalicə üsuludur. Bundan əlavə, aşağıdakı xəstəliklərin müalicəsində dəstək məqsədilə tətbiq edilir. Xəstələr xroniki xəstəlikləri üçün planlaşdırılmış müalicələrindən heç vaxt imtina etməməlidirlər. Bu xəstəliklər;
● Xərçəng xəstələrinə dəstəkləyici müalicə
● Artrit xəstəliyi
● Bakterial infeksiyalar
● Virus infeksiyaları (covid infeksiyası daxil olmaqla)
● Yaraların sağalması
● Bədəndə enerji çatışmazlığı və daimi yorğunluq
● İştahsızlık
● Tez-tez təkrarlanan prostat vəzinin iltihabları
● Xroniki sidik yolu infeksiyaları
● Metabolik sindrom (şəkərli diabet, piylənmə, ürək xəstəlikləri, insult): Damar endotelinin zədələnməsinə səbəb olan bütün hallar
● Podaqra xəstəliyinin müalicəsində
● Hipertenziya müalicəsi
Hansı qidaların tərkibində yüksək doza C vitamini var?
C vitamini tərəvəz və meyvələrin tərkibində bol miqdarda mövcuddur. Tərkibində ən çox C vitamini olan qidalar aşağıdakılardır;
● Qırmızı bibər
● Portağal
● Qreypfrut
● Kivi
● Yaşıl bibər
● Brokoli
● Çiyələk
● Brüssel kələmi
● Pomidor
● Qovun
● Kələm
● Gül kələm
● Kartof
● İspanaq
● Yaşıl noxud
C vitamini çatışmazlığı xəstəliyi nədir?
Kifayət qədər C vitamini olmadıqda əvvəlcə dəmirin sorulması pozulur və dəmir çatışmazlığı anemiyası yaranır. C vitamini çatışmazlığında Sinqa xəstəliyi meydana əlir. Sinqa xəstəliyində; diş ətlərində şişlik, qanaxma, qızarıqlıq görülür. Sağlam olmayan diş ətləri diş itkisinə səbəb ola bilər. Xəstələrin zəiflik və yorğunluq şikayətləri getdikcə artır. C vitamini çatışmazlığı səbəbindən kollagen sintezinin pozulması ilə dəridə qançırlar, oynaqlarda ağrılar, yaraların sağalmasında gecikmə, saç quruluşunun pozulması baş verir.
Vitamin C artıqlığında nə baş verir?
Ağızdan yüksək dozada C vitamini qəbulu mədə-bağırsaq sisteminə təsir edərək ishala səbəb olur. Damar yolu ilə çox yüksək dozalarda və şüursuz şəkildə istifadə edildikdə böyrək funksiyalarına təsir göstərə bilər. Nadir olsa da, böyrək daşı əmələ gəlməsinə meyilliyi artıra bilər. Qan şəkərini müvəqqəti yüksəldə bilər.
Qlütation
Qlütation Nədir?
Hüceyrələrin super qəhrəmanı kimi işləyən qlütation sağlam hüceyrələrə zərər verən sərbəst radikallara elektron verərək zərərli təsirlərini aradan qaldırır. Hüceyrədə əmələ gələn zərərli maddələri suya çevirir. Ən güclü antioksidantlardan biri olmaqla orqanizmin qorunmasında və xəstəliklərin qarşısının alınmasında mühüm yer tutur. Ən vacib və ən təsirli üsul venadaxili qlütation müalicəsidir. Qlütation bilinən ən güclü antioksidantdır. Sağlam hüceyrələrə zərər verən sərbəst radikalların zərərli təsirlərini aradan qaldırmaq üçün sərbəst radikallara elektron verə bilən ən güclü antioksidantdır.
Antioksidant Nədir?
Qidalanma yolu ilə qəbul etdiyimiz qidalar və tənəffüs yolu ilə qəbul etdiyimiz oksigen, hüceyrələr tərəfindən istifadə olunur və enerji istehsal olunur. Bu yolla yüksək miqdarda enerji istehsal edilərkən, digər tərəfdən bədən üçün zərərli olan tullantı maddələr, yəni reaktiv oksigen radikalları əmələ gəlir. Sərbəst radikallar orqanizm üçün son dərəcə zərərli maddələrdir. Bu reaktiv oksigen radikalları olduqca aktivdir və orqanizmdəki digər kimyəvi maddələrin strukturunu pozaraq bir çox xəstəliklərin əmələ gəlməsinə zəmin yaradır. Bədənimiz həmişə özünü qorumaq üçün proqramlı şəkildə işləyir. Bir çox mexanizmlərlə reaktiv oksigen radikallarının zərərli təsirlərini aradan qaldırmağa və onları bədəndən çıxarmağa çalışır. Bu oksigen radikallarına qarşı mübarizədə istifadə edilən bütün bu molekullara antioksidantlar deyilir.
Qlütation nə edir?
● Sərbəst radikallara öz elektronunu verir və hüceyrə zədələnməsinin qarşısını alır.
● Hüceyrədə əmələ gələn zərərli maddələri suya çevirir
● Civə, qurğuşun, kadmium, mis, sink, arsen və gümüş kimi ağır metalları bağlayaraq bədəndən ağır metalları çıxarır.
● Sinir sistemində mühüm rolu olan qlutamat mənbəyidir.
Qlütationu necə artırmaq olar?
● Aşağı intensivlikli idman bədəndə qlütation miqdarını artırmağa kömək edir.
● Vitamin B6, Vitamin B12 və Fol turşusu dəstəyi, yəni metilasiyanı artırmaqla qlütation miqdarı artırıla bilər.
● Vitamin C, N-asetil sistein kimi qlütation prekursorlarından istifadə etməklə artıma nail olmaq olar.
● Vitamin E, alfa lipoik turşusu, selenium, maqnezium qlütationun artmasına kömək edir.
Hansı Qidalar Qlütation Səviyyəsini Artırır?
Qidalanma yolu ilə bədəndəki qlütationun miqdarını artırmağa cəhd edilə bilər. Bunun üçün qlütationun tərkibindəki amin turşuları qida ilə birlikdə qəbul edilməlidir. Bunlardan ən əhəmiyyətlisi amin turşusu sisteinidir. Sistein mənbəyi olan qidalar aşağıdakılardır;
● Sarımsaq
● Soğan
● Kələm
● Brokoli
● Brüssel kələmi
● Kök
● Kəvər soğanı
● Cəfəri
● Şüyüd
● Aruqula (roka)
● Qoz
● Qreypfrut
● Nar siropu
● Zeytun yağı
● Pendir altı suyu
● Sirkəsiz fermentləşdirilmiş kələm turşusu
Qlütation hansı xəstəliklər üçün faydalıdır?
Qlütation üçün xəstə olmağı gözləməyə ehtiyac yoxdur. Qlütation bilinən ən güclü antioksidantlardan biri olduğu üçün orqanizmin qorunmasında və xəstəliklərin əmələ gəlməsinin qarşısının alınmasında çox mühüm yerə malikdir
Yaşlandıqca bədənin istehsal etdiyi qlütation miqdarı azalır. Eyni anda orqanizm üçün son dərəcə zərərli olan toksinlərin, ağır metalların və sərbəst radikalların yığılması getdikcə artır. Qlütation sərbəst oksigen radikallarının rol oynadığı aşağıdakı xəstəliklərin müalicəsində dəstəkləyici olaraq istifadə olunur.
● İnfarkt, damar sərtliyi kimi ürək-damar xəstəlikləri
● Yüksək xolesterin
● Oynaq revmatizmi
● İnfeksion xəstəliklər
● Xərçəng xəstəliyi
● Altsheymer xəstəliyi
● Parkinson xəstəliyi
● Diabet (şəkər xəstəliyi)
● Astma
● Qaraciyər
Qlütationun Faydaları Nədir?
Qlütationun faydaları aşağıdakılardır;
● İmmunitet sistemini möhkəmləndirir
● Bədən enerjisinin artmasına dəstək olur
● Əzələlərin fəaliyyətinin artmasını təmin edir
● Oynaqlarda və əzələlərdə ağrıları azaltmağa kömək edir
● Dərinin yenilənməsini təmin edir
● Dəriyə parlaqlıq verir
● Qocalmanı gecikdirir
● Siqaret və alkoqolun vurduğu zərəri azaldır
● Zehni konsentrasiyanı dəstəkləyir
● Müntəzəm və yetərli yuxu keyfiyyətini artırır
Qlütation Necə Qəbul Edilməlidir?
Ən vacib və ən təsirli üsul venadaxili qlütation müalicəsidir.
Qlütation Müalicəsi Necə Aparılır?
Bədəndə qlütationu artırmağın ən təsirli yolu venadaxili infuziyadır. Müalicə dozalarının sayı xəstəyə görə dəyişsə də, standart yanaşma üçün tətbiq olunacaq müalicə həftədə bir dəfə olmaqla 5 həftəlik müalicədir. Müalicələr təxminən 15 dəqiqə çəkir
Qlütation Əks Təsirləri Varmı?
Bütün dünyada aktiv şəkildə istifadə edilən və sərbəst radikalların bədənə vurduğu zərərləri minimuma endirmək və ya mümkün xəstəliklərin təsirini azaltmaq üçün istifadə edilən qlütation müalicəsinin bilinən heç bir əks təsiri yoxdur. Bədəninizdə sərbəst radikal təmizləyicisi olan qlütation miqdarını artıraraq bədəninizi bir çox xroniki xəstəliklərin səbəbi olan toksinlərdən və ağır metallardan xilas edə bilərsiniz.
Ozon Terapiyası
Ozon Terapiyası Nədir?
İlk növbədə ozon terapiyası üçün xəstə olmaq lazım deyil. Hüceyrələrimizi, toxumalarımızı və orqanlarımızı sağlam vəziyyətdə saxlamaq çox vacibdir. Ozon terapiyasının antioksidant effekti bədənimizdəki sərbəst radikalları və oksidləşdirici stressi minimuma endirməyə kömək edir. Ozon terapiyası ilə toxumaların və hüceyrələrin oksigeni ən yaxşı şəkildə istifadə etməsi hədəflənir. Qanımızdakı qırmızı qan hüceyrələri ozonla qarşılaşdıqda elastiklik qazanır və qan axıcılığında artım baş verir. Bu, qırmızı qan hüceyrələrinin oksigen daşıma tutumunu artırır. Bundan əlavə, qırmızı qan hüceyrələrinin toxumalara oksigeni buraxma qabiliyyətində də artma baş verir. Ozon terapiyası ilə hüceyrə funksiyaları üçün lazım olan enerji istehsalında artım baş verir.
Ozon Terapiyasının Faydaları Nələrdir?
Ozon terapiyasının faydaları və təsirləri aşağıdakılardır;;
● Anti-aging effekti var və enerji verir
● Yaşlanmanı gecikdirir
● İmmunitet sistemini gücləndirir
● İnsanların daha az zehni və fiziki yorğunluq hiss etməsinə səbəb olur
● Zehni və fiziki imkanları artırır
● Bədənin özünü sağaltma qabiliyyətini dəstəkləyir
● Sərbəst radikalları və ağır metalları bədəndən çıxarır
● Virus, bakteriya və göbələk infeksiyalarını müalicə edir
● Orqanizmimiz üçün zərərli olan infeksiyaları müalicə edir
● Covid-19 infeksiyalarını müalicə edir
● Qan axınını artırır və yaraların sağalmasına kömək edir
● Ayaq nahiyəsində qan dövranı pozğunluğu və şəkər xəstəliyindən yaranan yaraları sağaldır.
● Xroniki iltihabda effektivdir
● Allergik xəstəlikləri müalicə edir
● Orqanizmdəki təbii kortizol paylanmasını təmin edir və qəfil histamin ifrazını yatırır
● Orqanizmdə maddələr mübadiləsini sürətləndirir
● Çəki itirməyə kömək edir
● Lazımsız insulini qandan çıxarır və insulin müqavimətini qırmağa kömək edir
● İnsulin müqavimətindən qaynaqlanan ani aclıq hissi və şəkər böhranlarının aradan qaldırılmasına dəstək verir.
● Xərçəng xəstəliklərində dəstəkləyici müalicə təmin edir
● Toxumaların və hüceyrələrin oksigenləşməsini artıraraq xroniki yorğunluq, əzələ və oynaq ağrıları, fibromiyalji müalicəsini dəstək olur
● Beynin oksigenləşməsini artıraraq və qan axınını tənzimləyərək nevroloji xəstəliklərin müalicəsini dəstəkləyir.
● Baş ağrısı, başgicəllənmə, parkinson və buna bənzər yerimə çətinliyinə səbəb ola bilən xəstəliklərin müalicəsini dəstəkləyir.
● Altsheymer və demensiya kimi beynin koqnitiv funksiyalarına təsir edən nevroloji xəstəliklərin müalicəsini dəstəkləyir.
● Allergik astma kimi tənəffüs sistemi xəstəliklərinin müalicəsini dəstəkləyir.
● Psoriazın (Sədəf Xəstəliyi) müalicəsini dəstəkləyir.
● Hüceyrə və toxumaların oksigen səviyyəsini artırır.
● Qan dövranını artırır.
● Orqanizmin öz-özünü sağaltma faktorlarını aktivləşdirir
● Bədənə zərər verə biləcək vəziyyətlərin orqanizm tərəfindən aradan qaldırılmasını təmin edir.
● Bədənin hormon balansını yaxşılaşdırır.
● Orqanizmimiz daha güclü işləyir.
● İnsanlara özünü müalicə etməyə kömək edir
Ozon terapiyası necə aparılır?
Əsasən ozon terapiyası 5 şəkildə tətbiq oluna bilər. Ozon terapiyasının tətbiq üsulları aşağıdakılardır;
Böyük Autohemoterapiya
Böyük Autohemoterapiya metodunda insana damar yolu açılır. Açılan bu damar yolu vasitəsilə 250 ml-lik şüşəyə insanın 120 ml öz qanı alınır. Şüşədə 10 ml sitrat (qanın laxtalanmasının qarşısını alan maddə) olur. Alınan 120 ml qan ozon yaradan cihazımızdan əldə edəcəyimiz və insanın klinik vəziyyətinə uyğun olacaq şəkildə təyin edəcəyimiz sıxlıq dozasında 120 ml ozon ilə eyni şüşə içərisində qarışdırılır və açılan eyni damar yolundan yenidən xəstəyə verilir. Bu müalicənin müddəti təxminən 30 dəqiqədir. Müalicənin ümumi yanaşması həftənin 2 fərqli gündə, cəmi 6 həftə müddətində 12 seans tətbiq etməkdir.
Kiçik Autohemoterapiya
Kiçik Autohemoterapiya metodunda əsas müalicə seansı zamanı insanın 2 ml qanı injektora alınır və yenidən 10 qamma dozalı ozonla qarışdırılır və əzələdaxili (IM) yeridilir.
Torbalama Ozon Terapiya
Torbalama ilə ozon terapiya regional olaraq aparılan müalicədir. Ozon qazının tətbiq olunduğu qapalı sistemdir. Yaraların müalicəsi üçün istifadə olunur.
Rektal Ozon Terapiya
Ozon qazının rektal yoldan (anus) tətbiqi üsuludur. Xüsusilə bağırsaq xəstəliklərində (xoralı kolit, kron və s.) və damar yolu açılmasında problem yaşana bilən xəstələrdə üstünlük verilir.
Oynaqdaxili Ozon Terapiya
Ozon qazının oynaq daxilinə birbaşa vurulması şəklində tətbiq edilən müalicə üsuludur.
Ozon terapiyası kimlərə tətbiq edilmir?
Bilinən ən vacib əks göstəriş (yəni istifadəsinin qadağan olduğu) qlükoza-6-fosfat-dehidrogenaza çatışmazlığı olan favizm xəstələridir. Xalq arasında həmçinin paxla allergiyası olaraq da bilinən favizmdə insan paxlalı bitkiləri istehlak etdikdə qan hüceyrələri parçalanır və hemolitik anemiya deyilən vəziyyət yaranır. Bu xəstələr qanda ozon qazının yaratdığı metabolik yolları yerinə yetirə bilmirlər. Bu xəstələrə qəti şəkildə ozon terapiyası tətbiq edilmir
Bundan əlavə, bəzi hallarda da tətbiq edilməsi tövsiyə edilmir. Xüsusilə hamiləlikdə, kəskin Mİ-dan (infarkt) sonrakı erkən dövrdə, qalxanabənzər vəzinin sürətli işlədiyi (hipertireoz) və ağır anemiya (qansızlıq) hallarında istifadə edilməməsi tövsiyə olunur.
Ozon Terapiya Neçə Seansdan İbarət olur?
Müalicəni planlaşdırarkən standart olaraq həftədə 2 gün olmaqla cəmi 12 seans müalicə tətbiq edilməsi tövsiyə olunur. Bu müalicələrdə istifadə olunacaq ozon dozasının miqdarı insanın klinik vəziyyətinə, şikayətlərinə və müalicədən aldığı faydaya görə dəyişə bilər. Hər seansda fərqli doza tətbiq oluna bilər, vəziyyətə görə seanslar daha tez aralıqlarla tətbiq oluna bilər.
Mikrobiota və İmmunologiya
Bədəninizdə və xüsusilə bağırsaqlarınızda yaşayan trilyonlarla bakteriya sizi xarici təhlükələrdən qoruyur.
İmmun sistemi və Bağırsaq Mikrobiomu
Bağırsağınız trilyonlarla bakteriyaya ev sahibliyi edir. Bu mikroskopik canlıların əmələ gətirdiyi ekosistemə mikrobiom deyilir. Son illərdə aparılan tədqiqatlar göstərdi ki, bağırsaq mikrobiomu orqanizmdə immun reaksiyasını istiqamətləndirən ən mühüm faktorlardan biridir.
Mikrobiomdakı bakteriyalar, istehsal etdikləri metabolitlərlə bədəni xəstəlik faktorlarına qarşı qoruyur və limfoid toxumanın yetişməsini təmin edən siqnallar göndərərək immun sistemini dəstəkləyir.
Güclü İmmun Sistemi üçün Mikrobiomunuzu Balanslaşdırın
İmmun sistemi xarici təhlükələrə və xəstəlik faktorlarına qarşı orqanizmin ən mühüm qoruyucusudur. İmmunitetinizin gücü bağırsaqlarınızda yaşayan trilyonlarla mikroorqanizmdə gizlidir! Müxtəlif və balanslaşdırılmış mikrobiom profili həm immun müdafiəni stimullaşdıran metabolitlər ifraz edərək, həm də bağırsaq baryerini qoruyaraq orqanizmin müdafiəsində immun sistemini dəstəkləyir.
Mikrobiom Analiz ilə balanslaşdırılmış mikrobiom profilinə çatmağınız üçün istehlak etməli olduğunuz qidalara xal verilərək sizə təqdim olunur.
