Uşaq Sağlamlığı və Xəstəlikləri
Uşaq Sağlamlığı və Xəstəlikləri
Uşaq Sağlamlığı və Xəstəlikləri Klinikası
Həyata “Salam” deyən hər insan Liv Bona Dea Hospital üçün çox dəyərlidir. Bu səbəblə, dünyaya gözlərini açan körpədən yeniyetməliyə addım atmağa hazırlaşan uşağa qədər hər kəsin ehtiyaclarına uyğun müalicələr Liv Bona Dea Hospital Uşaq Sağlamlığı və Xəstəlikləri Klinikasında aparılır.
Uşaq Sağlamlığı və Xəstəlikləri Bölməsində Keyfiyyətli Tibbi Xidmət
Liv Bona Dea Hospital Uşaq Sağlamlığı və Xəstəlikləri Klinikası gələcəyimiz olan uşaqlarımızı qorumaq və onları daha sağlam fərdlər olaraq böyütmək məqsədilə hər cür tibbi xidmətin ən keyfiyyətlisini təqdim etməyi hədəfə alır.
Uşaq Sağlamlığı və Xəstəlikləri Bölməsi Neçə Yaşa Qədər Baxır?
Uşaq Klinikasında 24 saat müddətində 0-18 yaş arası bütün uşaq xəstələrinin diqnostikası və müalicələri uşaq klinikaları, xəstə yatış otaqları və təcili tibbi yardım bölməsində həyata keçirilir. Uşaq Sağlamlığı və Xəstəlikləri Klinikası tətil günlərində də olmaqla, 7/24 xidmət göstərir, uşaqların müntəzəm təqibləri aparılır və peyvəndləri vurulur.
Alt-İxtisas Klinikalarında Müvafiq Filial üçün Diaqnostika və Müalicə Aparıla Bilir
● Uşaq Nefrologiyası
● Uşaq Revmatologiyası
● Uşaq Kardiologiyası
● Uşaq Endokrinologiyası
● Uşaq İnfeksiyası
● Uşaq Allergiyası və İmmunologiyası
● Uşaq Qastroenterologiyası
● Uşaq Nevrologiyası
● Uşaq Hematologiyası
● Uşaq və Yeniyetmə Psixiatriyası
● Uşaq Cərrahiyyəsi və Urologiyası
● Riskli Körpə Klinikası
Uşaq Sağlamlığı və Xəstəlikləri Bölməsində 24 Saat Həkim-Mütəxəssis Xidmət Göstərir
24 saat həkim-mütəxəssisin xidmət göstərdiyi Liv Bona Dea Hospital Uşaq Sağlamlığı və Xəstəlikləri Klinikası 18.00-20.00 saatları aralığında da klinik müayinəni həyata keçirir. Körpəlikdən 18 yaşınadək bütün uşaqların ehtiyaclarına uyğun qabaqcıl diaqnostik və müalicə üsulları həyata keçirilir. Xəstələr təcrübəli müəllimlər və mütəxəssislər tərəfindən müasir və ortaq elmi proqramlar çərçivəsində diqqətlə dəyərləndirilir.
Uşaq Sağlamlığı və Xəstəlikləri Bölməsi Əyləncəli Bir Məkan Olaraq Dizayn Edilmişdir
Liv Bona Dea Hospital Uşaq Sağlamlığı və Xəstəlikləri Klinikasını əyləncəli məkan olaraq dizayn edən Liv Bona Dea Hospital uşaqlarını xəstəxanaya gətirməkdə çətinlik çəkən valideynlərin işini asanlaşdırır. Klinikamız uşaqlar üçün xüsusi olaraq hazırlanmış, həkim qorxusunu üstələyəcək şəkildə əyləncəli vəziyyətə gətirilmişdir. Gözləyən anaların bütün ehtiyaclarını qarşılaya biləcək tam təchizatlı əmizdirmə otağı hazırlanmışdır. Xəstəlik zamanı körpə və uşaqları müşahidə altında saxlamaq və qısamüddətli müalicələrini aparmaq üçün müşahidə otağı mövcuddur.
Uşaq Sağlamlığı və Xəstəlikləri Bölməsində Ətraflı İnkişaf Təqibi
Liv Bona Dea Hospitalda doğulan körpələrin aylıq təqibləri aparılır, hər körpə 1 yaşına çatdıqda mütəxəssis pedaqoq tərəfindən inkişaf testləri ilə dəyərləndirilir. Uşaq inkişafı üzrə mütəxəssis tərəfindən uşaqların yaşına uyğun əqli və fiziki inkişafları obyektiv testlərlə dəyərləndirilir. Müşahidə zamanı aparılmalı olan bütün araşdırmalar və dəstək proqramları (göz müayinəsi, diş müayinəsi, nitq gerilikləri, fiziki reabilitasiya, genetik konsultasiya və s.) müvafiq filiallarla koordinasiyalı şəkildə davam etdirilir.
Uşaq Sağlamlığı və Xəstəlikləri Bölməsində Təcrübəli Pediatrik Tibb Bacıları
Liv Bona Dea Hospital Uşaq Sağlamlığı və Xəstəlikləri Klinikasında laborator müayinələr təcrübəli pediatrik tibb bacısı tərəfindən aparılır. Sağlam uşaq müşahidəsi (peyvədləmə, qidalanma, böyümə-inkişaf, skrininqlər) və xəstəlik zamanı bütün həkimlərimiz hər zaman əlçatandır. Liv Bona Dea Hospitalda doğulmuş hər körpə evə buraxıldıqdan sonra evdə baxım xidmətləri tərəfindən bir dəfə evdə ziyarət edilir və ehtiyacları müəyyən olunur.
Riskli Körpə Təqibi
Riskli Körpə Nədir?
Vaxtında əvvəl doğuş, çoxdöllü hamiləlik, anada şəkər xəstəliyi, iri döl, ana bətnində mekonium udmuş körpə, çətin doğuş nəticəsində yaranan beyin və digər orqan zədələnməsi kimi yüksək risk daşıyan körpələrin təqibi sağlam körpələrdən fərqlidir. Bu körpələr tənəffüs problemləri, xroniki ağciyər xəstəliyi, sarılıq, qidalanma çətinliyi, kəllədaxili qanaxma və prematur retinopatiyası (vaxtından əvvəl doğulmuş körpələrdə görülən göz xəstəliyi) kimi xəstəliklər baxımından risk altındadırlar. Riskli körpələrin təqibi riskli körpələr üzrə mütəxəssis tərəfindən aparılır.
Riskli Körpə Təqibi Nədir?
Liv Bona Dea Hospital Riskli Körpə Təqibi Klinikasında bu körpələrin inkişaf testləri ilə inkişafları yaxından təqib olunur, erkən aşkarlanan problemlərə fizioterapiya tətbiq olunaraq daha yaxşı həll yolları təmin olunur. Bundan başqa, riskli körpələr Göz, Audiologiya, Nitq Terapiyası kimi bölmələrlə birlikdə multidisiplinar yanaşma ilə təqib olunur. Vaxtından əvvəl doğulmuş və ya uzun müddət yenidoğulmuşların intensiv terapiya bölməsində yatan körpələrin gələcəkdə öz yaşıdlarının boy və çəkisinə çatmaları üçün onların qidalanması xüsusilə əhəmiyyət kəsb edir. Bu müddətdə, ehtiyac olarsa, dietoloq və qidalanma mütəxəssislərinin tövsiyələrinə uyğun olaraq ana südünün gücləndirilməsi kimi xüsusi prosedurlar həyata keçirilir.
Barama Strategiyası Nədir?
“Barama strategiyası” olaraq adlandırılan və körpələri qorumaq məqsədilə körpə ilə təması olan şəxslərə (ana-ata-qardaş, baxıcı və tibb işçiləri kimi) tetanoz, yetkin tipi difteriya və yetkin tipi hüceyrəsiz göyöskürək peyvəndi vurulur. Bundan başqa, 6 aydan az olan körpələrə tətbiq etmədiyimiz qrip peyvəndlərini də körpəyə baxan bütün ailə fərdlərinə tətbiq edərək böyük endemiya və pandemiyalara səbəb olacaq xəstəliklərdən qoruyur. Vaxtından əvvəl doğulmuş, xroniki ağciyər xəstəliyi və ya kardioloji xəstəliyi olan körpələrdə RSV-nin (respirator sinsitial virusu) səbəb olduğu ciddi aşağı tənəffüs yolu xəstəliyinin riski yüksəkdir. Bu səbəblə, bu uşaqlara oktyabr və mart ayları arasında profilaktik xüsusiyyətə malik anticisim (synagis) tətbiq olunur.
