Uşaq Cərrahiyyəsi

Pediatrik Cərrahiyyə və Pediatrik Urologiya

Pediatrik cərrahiyyə bölməsi uşaqların cərrahi və uroloji şikayətlərinin diaqnostikası və müalicəsi ilə məşğul olur. Liv Bona Dea Hospitalda uşaqlarda həzm sistemi cərrahiyyəsi, uşaq endokrin cərrahiyyəsi, uşaq ginekologiyası, döş qəfəsi cərrahiyyəsi, döş qəfəsi deformasiyalarının cərrahi müalicəsi, onkoloji cərrahiyyə, diaqnostik və müalicəvi endoskopik müdaxilələr, torakoskopik və laparoskopik cərrahi müdaxilələr, travma cərrahiyyəsi, pediatrik uroloji əməliyyatlar yüksək səviyyədə həyata keçirilir. Pediatrik Cərrahiyyə neonatal dövrdən 18 yaşa qədər olan bütün cərrahi problemlərlə məşğul olur. Yenidoğulmuşlarda doğuşdan əvvəl məlum olan və ya doğuşdan sonra ortaya çıxan anomaliyaların düzəldilməsi əməliyyatları da Pediatrik Cərrahiyyədə icra olunur.



Bundan başqa, pediatrik xəstələrin psixologiyası da bizim üçün önəmlidir. Aparılan müdaxilələr zamanı uşaqların ruhi sağlamlığının qorunması, rahat və ağrısız əməliyyat keçirməsi xüsusi diqqətə alınır. Hər vəziyyətdə (bütün – kiçik və böyük əməliyyatlarda) ümumi anesteziya tətbiq olunur. Hər xəstəmizə yaşına uyğun əməliyyatdan əvvəl hazırlıq icra edilir (əməliyyatdan əvvəl lazımi testlər və müayinələr) və sedasiya (sakitləşdirici vasitənin və ya dərman tətbiqi ilə həyəcanın azaldılması) tətbiq olunur.

Pediatrik Cərrahiyyədə Mütəxəssis Heyəti

Uşaqlar böyümə və inkişafın ən sürətli olduğu uşaqlıq dövründə icra edilən cərrahi müdaxilənin əks-sədasını həyatları boyu daşıyır. Bu səbəblə uşaqlara edilən bütün müdaxilələr; uzun və çətin təhsil yolu keçmiş, intizamlı və ən müasir müalicə üsullarını öyrənən, təşəbbüsü ələ alıb ən ideal müalicəni çox qısa müddətdə tətbiq edə bilən təcrübəli mütəxəssislər qrupu tərəfindən icra edilməlidir. Liv Bona Dea Hospital Pediatrik Cərrahiyyə və Pediatrik Urologiya üzrə Mütəxəssis Qrupu yalnız bu səlahiyyətlərə sahib deyil; ən əsası pediatrik və körpə xəstələrə yaxınlaşma qabiliyyətinə malik olma xüsusiyyəti ilə üstünlük verilən klinikadır.

Faydalı Üsullar

Liv Bona Dea Hospital Pediatrik Cərrahiyyə və Pediatrik Urologiya Klinikasında sünnət, öd kisəsi, enməmiş xaya, appendisit, Hirschsprung əməliyyatlarında laparoskopik üsullar, böyrək və sidik kisəsi xəstəliklərində sistoskopik; tənəffüs yollarına və həzm sisteminə yad cismin sızması və bu nahiyələrin xəstəliklərində ezofafoskopik/bronkoskopik üsullara üstünlük verilir. Bu üsulların ən böyük üstünlükləri əməliyyatdan sonra demək olar ki, heç bir çapıq qalmaması, infeksiyaya yoluxma riskinin minimuma endirilməsi, uşaqlarımızın açıq cərrahiyə ilə müqayisədə daha qısa müddətdə sosial həyatlarına və məktəblərinə qayıda bilmələridir.

Biz uşaqlarınız üçün aşağıdakı cərrahi müalicə növlərini təklif edirik:

•    Döş qəfəsinin, qarın divarının və diafraqmanın anadangəlmə qüsurlarının cərrahi müalicəsi
•    Traxeoezofageal fistulanın, yuxarı tənəffüs yollarının və ya mədə-bağırsaq sisteminin yuxarı hissəsinin digər anomaliyalarının cərrahi müalicəsi
•    Döş qəfəsi cərrahiyyəsi: ağciyər rezeksiyası, empiemanın dekortikasiyası, plevrodez, timektomiya, torakotomiya və torakoskopik yanaşma daxildir.
•    Qasıq yırtığının bərpası
•    Bağırsaq malrotasiyası, bağırsaq çevrilməsi, göbək yırtığı, atreziya, Qirşsprunq xəstəliyi, anusun atreziyası daxil olmaqla, mədə-bağırsaq sistemi anomaliyalarının cərrahi müalicəsi
•    Bağırsaq keçməzliyinin cərrahi müalicəsi
•    Pilorostenozun cərrahi müalicəsi
•    Tiroid və paratiroid vəzi xəstəliklərinin cərrahi müalicəsi
•    Aşağı sidik yollarının diaqnostik və terapevtik prosedurları daxil olmaqla, transuretral cərrahiyyə
•    Uroloji cərrahiyyə: radikal nefrektomiya, sidik kisəsinin bərpası, orxidopeksiya, hidroselektomiya, sirkumsiziya
•    Ekstrofiya və hipospadiya daxil olmaqla, sidik-cinsiyyət sisteminin anadangəlmə anomaliyalarının cərrahi müalicəsi
•    İntra-abdominal və retroperitoneal törəmələrin cərrahi müalicəsi
•    İntra-torasik törəmələrin cərrahi müalicəsi, anadangəlmə anomaliyalar və qazanılmış xəstəliklər üçün ağciyər rezeksiyası
•    Əsas laparoskopik prosedurlar (diaqnostik laparoskopiya, bitişmələrin laparoskopik lizisi, IOC (intraoperativ xolangioqramma) ilə laparoskopik xolesistektomiya, laparoskopik appendektomiya və yumurtalıqların laparoskopik cərrahiyyəsi) daxildir.

•    Tiroqlassal kist, bronxial yarıq anomaliyası, anadangəlmə hemangiomalar

Qabaqcıl laparoskopik prosedurlar:

•    Laparoskopik bağırsaq prosedurlarına aşağıdakılar daxildir: nazik və yoğun bağırsaq rezeksiyası və anastomozu, sağ və sol yoğun bağırsaq rezeksiyası, aşağı anterior (ön) rezeksiya, abdominal perineal rezeksiya, kolostomiyanın qoyulması, kolostomiyanın bağlanması
•    Laparoskopik mədə prosedurlarına aşağıdakılar daxildir: mədə fundoplikasiyası, mədə rezeksiyası, qastroenterostomiya, duodenal prosedurlar və mədə zondunun yerləşdirilməsi (bariatrik cərrahiyyə daxil)
•    Yırtığın laparoskopik üsulla bərpası
•    Parenximatoz orqanların laparoskopik prosedurlarına aşağıdakılar daxildir: böyrəküstü vəzi, mədəaltı vəzi, böyrək, qaraciyər, splenektomiya.