Radiologiya
Radiologiya
Radiologiya Klinikası Nədir?
Qabaqcıl texnologiya cihazları ilə təchiz edilmiş Liv Bona Dea Hospital Radiologiya Klinikası həkim-mütəxəssis heyəti və fərqli bölmələrdən olan həkimlərlə birlikdə multidisiplinar bir yanaşma ilə tibbi xidmət göstərir.
Radiologiya Cihazları Nədir?
Liv Bona Dea Hospital Radiologiya Klinikasında ölkəmizdə çox az sayda mövcud olan;
● Geniş maqnit (70 sm) 3 Tesla MRT cihazı
● 256 kəsikli KT cihazı
● 2 ədəd rəqəmsal rentgen cihazı
● Rəqəmsal floroskopiya cihazı
● 2 ədəd portativ rəqəmsal rentgen cihazı
● Rəqəmsal mamoqrafiya cihazı
● Sümük densitometriyası cihazı
● 3 ədəd USM və Doppler cihazları,
● Neyroradioloji və vaskulyar müdaxilələrə rəhbərlik edən angioqrafiya cihazı mövcuddur.
Radioloji Görüntüləmə Nədir?
Radioloji görüntüləmə üsulları xəstəliklərin diaqnostikası və müalicəsində həkimlərə yol göstən müayinələrdir. Radiologiya komandası bədəndə regional olaraq, məsələn; bəzi həkimlər yalnız qarın, bəzi həkimlər beyin və bəzi həkimlər invaziv sahədə xidmət göstərir. Bütün müayinələrin hamısı təxminən 80% aşağı radiasiya dozaları ilə həyata keçirilir.
Radiologiya Bölməsində İnsult Zamanı Tam Təchizatlı Yanaşma
İnsult keçirən bir xəstənin şikəst qalma riski yüksəkdir. Klinikamızda effektiv invaziv radiologiya üsulları ilə insult keçirən bir xəstədə insulta səbəb olan laxta əməliyyata ehtiyac olmadan açıla bilər. Bu minvalla vaxtında müraciət olunan xəstəlik halları üçün insult sonrası şikəst qalma riskinin 100% qarşısı alınır. Liv Bona Dea Hospital İnvaziv Radiologiya Klinikasında beyin anevrizmaları əməliyyat olunmadan qasıqdan girilərək müalicə edilir. Prosedurdan dərhal sonra xəstə evə yazıla bilər.
Radioloji MR Çəkimi Necə Olur?
Liv Bona Dea Hospital Radiologiya Klinikasındakı MR cihazının daxili genişliyi, çəkim vaxtı musiqi səsləndirilməsi, qapalı yerdə qalma qorxusu olan ya da artıq çəkili xəstələrin üstünlük vermə səbəblərini təşkil edir. Xəstələrə rahat, etibarlı bir mühit təqdim olunur.
Radioloji KT Nədir?
Liv Bona Dea Hospital Radiologiya Klinikasında mövcud olan 256 kəsikli KT cihazı bütün KT sistemlərindəki xüsusiyyətlərə əlavə olaraq, sahib olduğu HD dedektor və tək boru ilə dual enerji üsulundan istifadə edə bilən və ən yüksək səviyyədə görüntüləmə həyata keçirən bir sistemdir. Yüksək səviyyəli görüntüləmə üsulu ilə lezyonun səciyyələndirilməsi, böyrək daşlarının növləri, bütün bədən damarının və ürək damarların plak səciyyələndirmələri həyata keçirilə bilir.
Ürək Damarı üzrə Radiologiya Nədir?
Liv Bona Dea Hospital Radiologiya Klinikasında aparılan digər mühüm test olan “Tomoqrafik Koronar Kalsiumun Hesablanması” ilə insanda gələcəkdə yarana biləcək ürək damar xəstəliyi riski müəyyən oluna bilir. Nəticələrə görə müalicə və qorunma planları təqdim olunur.
Radiologiya Bölməsində Xüsusi Xidmətlər
● 3 Tesla MR
● Kompüter tomoqrafiyası
● Koronar damarlarda hər hansı bir tıxanma aşkarlanmazsa, təxminən 100% diaqnostik etibarlılıq təmin edilir.
● Vaskulyar müdaxilələr
● Rəqəmsal floroskopiya
● Rəqəmsal rentgen
● Sümül densitometriyası
● Rəqəmsal panoromik sefalometrik rentgen
● Rəngli doppler USM
➔ Seçilmiş Xidmətlər
MR Heç Bu Qədər Rahat Olmamışdı
İndi özünüz üçün rahatladıcı bir musiqi qoyun, okeanda üzən balıqları nəhəng akvariumda seyr edin. Artıq dəqiqələr ərzində MR müayinəniz başa çatdı. İnnovativ dizayna malik 1.5 Tesla və 3 Tesla MRT cihazları adətən sizə yep-yeni MR təcrübəsini yaşatmaq üçün hazırlanmışdır. Artıq çox qısa müddətdə və rahatlıqla dolu bir texnologiya içərisində MR müayinəniz aparılır, MR stressi başa çatır.
Texnologiya Klostrofobiyaya Qalib Gəldi
MR çəkdirməli olan xəstələrin bugündək yaşadığı bütün stress və gərginliyi aradan qaldıraraq əvəzinə hüzur və rahatlıqla dolu bir MR təcrübəsi təqdim edən 1.5 Tesla və 3 Tesla MRT cihazları artıq Liv Bona Dea Hospitalda!
Səssiz Rejim
MR çəkimi zamanı sizi narahat edən bütün xəbərdarlıq və cihaz səslərinin yerini hüzur və inam dolu bir səssizlik tutur.
Geniş Daxili Həcm
Geniş həcmli interyer boyunuz və çəkinizdən asılı olmayaraq sizə rahat bir sahə təqdim edir.
Vaskulyar Müdaxilələr
Liv Bona Dea Hospital Radiologiya Klinikası invaziv radioloji üsullarla beyin anevrizmasından beyin şişlərinədək bir çox xəstəlikdə əməliyyat olunmadan müalicə imkanı təqdim edir. Prosedurdan sonra xəstə birbaşa evə yazıla bilər.
Qabaqcıl texnologiya
Klinika müdaxilələrə rəhbərlik edən qabaqcıl texnologiya məhsulu olan angioqrafiya cihazına malikdir. Klinikada 100% sağalmanı təmin edən əməliyyatsız varikoz müalicəsi aparılır və xəstə müalicədən sonra dərhaı evə yazıla bilər.
Vaskulyar diaqnoz və müalicələr
Stentləmə və angioplastika prosedurları (Aorta, iliak, renal, mezenterik, femoral və dizaltı damarlar, üst ətraflar, dializ, fistula darlıqları)
Anevrizmanın müalicəsi
Hipervaskulyar şişlərdə preoperativ embolizasiya (sümük şişi metastazı, RCC, nevral şişlər)
Miyoma və adenomiozisin simptomatik müalicəsində əməliyyatsız minimal invaziv seçim olaraq embolizasiya ilə müalicəsi
Toxuma biopsiyaları, drenajlar və onkoloji xəstələrdə RF ablasiya müalicələri
Yerli inkişaf etmiş qaraciyər şişlərinin müalicəsi
Əməliyyat göstərişi olmayan xəstə qrupunda yerli şiş ablasiyası (RF ablasiya, mikrodalğa ablasiya, nano-knife) / (qaraciyər, ağciyər, böyrək və qalxanvari vəz)
İncə iynə və tru-cut bütün orqan biopsiyaları (qaraciyər, ağciyər, böyrək, sümük, prostat, qalxanvari vəz, mədəaltı vəzi)
Abses, öd sistemi, sidik sistemi, plevral və peritoneal maye drenajı
Kardiak MR
Ürək döş qəfəsi içərisində və sümük strukturlarının arxasında olmasına baxmayaraq, davamlı hərəkət halında olduğundan görüntülənməsi ən çox sahələrdən biridir. Bu səbəblə funksiyalarını və xəstəliklərini ətraflı müayinə etmək üçün qabaqcıl texnologiyaya malik mərkəzlər və bu mövzuda təcrübəli mütəxəssislər lazımdır. Kardiak MR invaziv prosedura ehtiyac olmadan ürəyin ətraflı şəkildə müayinə oluna biləcəyi qabaqcıl görüntüləmə üsuludur.
Uşaqlarda da tətbiq oluna bilər
Kardiak MR görüntüləmədə radiasiya istifad olunmadığından həm uşaq, həm də yetkinlərdə etibarla tətbiq oluna bilər. Bununla yanaşı, prosedur zamanı zərurət olduqda tətbiq olunacaq dərman (kontrast maddə) tomoqrafik üsullara görə daha çox etibarlıdır. Bu mayinə üsulu ilə ürəyin funksiyaları ən doğru şəkildə hesablanır. Ürəyin quruluşu hər müstəvidə bucaq məhdudiyyəti olmadan müayinə oluna bilər. Ürəkdəki patologiyalar aydın şəkildə aşkar edilir.
Hansı hallarda həyata keçirilir?
Ürək damarlarında tıxanıqlıq olan xəstələrdə ürək əzələsində yaranan zədənin aşkarlanmasına dair ətraflı məlumat verir (Canlılığın dəyərləndirilməsi). Bu zədənin nisbəti xəstənin keçirəcəyi ürək əməliyyatından fayda əldə edib-etməyəcəyi üçün çox dəyərlidir.
Anadangəlmə ürək xəstəliklərində ürəyin və böyük damarların ətraflı dəyərləndirilməsinə imkan yaradaraq əməliyyatdan əvvəl planlama və riskin təsnifatına böyük töhfə verir. Bundan başqa, əməliyyatdan sonra həyat boyu davam edəcək təqiblərdə ən doğru və etibarlı məlumatların əldə olunmasına imkan yaradır.
Ürək qapaqlarında darlıq və ya çatışmazlıq olduğu hallarda, xəstəliyin dərəcəsinin aşkarlanmasında istifadə olunur. Bu xəstəliklərdə qanın qapaqlardan geri qayıtma nisbəti böyük nisbətdə doğru bir şəkildə hesablana bilər.
Ürəyin ritm pozğunluqlarında altda yatan səbəbin aşkarlanmasına imkan yaradır.
Ürəkdə törəmə şübhəsi olan xəstələrdə törəmə – laxta fərqinin ayırd edilməsi zamanı törəmə varsa, bədxassəli şişlərin aşkarlanmasında istifadə oluna bilər.
Aralıq dənizi anemiyası (talassemiya), sarkoidoz, Anderson- Fabry xəstəliyi, amilodioz kimi xəstəliklərdə ürək əzələsinin ətraflı dəyərləndirilərək ürəyin təsirə məruz qalma nisbətinin təqib olunmasına imkan yaradır.
Hansı hallarda həyata keçirilmir?
Kardiostimulyator və ya bədəndə MR ilə uyğun olmayan tibbi material (protez, koxlear implant və s.) olan şəxslərə MR müayinəsi uyğun deyil. Bundan başqa, qapalı sahə qorxusu olan insanlara uyğun tibbi dəstək verilmədən həyata keçirilməlidir.
Ürəyin MR-si necə müayinədir?
Müayinəyə başlamazdan öncə qoldan damar yolu açılır. Xəstə MR cihazına yerləşdirildikdən sonraürəyin hərəkətlərini izləmək üçün EKQ bandları sinənin üzərinə yerləşdirilir. Xəstənin müayinə zamanı ara-sıra nəfəsini tutmasına zərurət olduğundan nəfəs tutma məşqi edilir və MR çəkimi başlanılır. Ehtiyac olan hallarda, açılan damar yolundan kontrast maddə adlandırılan dərman tətbiq olunur. Müayinə orta hesabla 30 – 45 dəqiqə arasında tamamlanır.
Rentgen və Floroskopiya
Ən son texnologiya Luminos Fusion cihazının köməyilə radioqrafiya və floroskopiya bir sistemdə həyata keçirilə bilrə. Bundan əlavə, görüntü keyfiyyətini itirmədən aşağı dozalı şəkillər əldə edilir. Qida borusunun keçid qrafiyası, nazik bağırsağın keçid qrafiyası, voiding sistouretroqrafiya, HSG, kolonoqrafiya, IVP (venadaxili pyeloqrafiya) müayinələri aparıla bilər.
Rəqəmsal rentgen
Xəstələrin film təkrarlarından dolayı lazımsız şüa dozasını almasına mane olan və aşağı dozada etibarlı, yüksək keyfiyyətli rentgen çəkimləri Siemens Ysio ilə xəstəxanamızda həyata keçirilə bilər. Görüntülər çəkimdən dərhal sonra PACS sisteminə yüklənir və intranet sayəsində klinisistlər də görüntüləri görür. Bundan başqa, ən son texnologiya olan portativ (səyyar) rəqəmsal rentgen cihazlarının köməyilə xəstə otaqlarında yüksək keyfiyyətli, aşağı dozalı görüntülər WI-FI ilə anındaca PACS sisteminə göndərilir.
Rəngli doppler və USM
Qarındaxili orqanlar, cinsi orqanlar, qalxanavari vəzlər, süd vəzi toxuması, yumşaq toxumalar, qalça ultrasonoqrafiyası üçün müayinələr aparıla bilər. Bundan başqa, boyun, qol, ayağın arterial və vena damarlarının təcrübəli radioloqlar tərəfindən doppler müayinələri aparıla bilər.
Koronar KT Angioqrafiya
Anidən yaranan ürək-damar xəstəlikləri əsasən daralmaya səbəb olmayan plakların damar divarından qopması ilə yaranır. Koronar KT ilə damar sərtləşməsi xəstəliyinin diaqnozu erkən dövrdə qoyula bilər.
Saniyələr ərzində qansız ürək angiosu
Klassik ürək angioqrafiyasından fərqli olaraq, KT koronar angioqrafiyası koronar damarları 3-5 saniyədə sadəcə qol damarından infuziya tətbiqi kimi klassik angioqrafiyada istifadə olunan kontrast maddədən istifadə edərək, xəstəxanada yatış zərurəti olmadan icra oluna bilən ən son texnoloji görüntüləmə üsullarındandır. Bu texnologiya ilə yalnız ürək damarları deyil; ürək kameraları, ürək və ətrafı, eyni zamanda görüntü sahəsinə daxil olan ağciyərlər və pulmonar damarlar da dəyərləndirilə bilər.
Yüksek dəqiqlikli, yüksək etibarlı
Liv Bona Dea Hospital Radiologiya Bölməsindəki cihazın həssaslığı 86%-dir. Diaqnozun doğruluğu 90-95%-ə yaxın nisbətdədir. Koronar damarlardakı darlıqların (stenoz) dəyərləndirilməsi ən son texnoloji damar analiz proqramı ilə təmin olunur. Eyni zamanda mədəciyin funksiyası və miokard dəyərləndirilə bilər. Koronar arteriyalara yerləşdirilən stentlərin vəziyyəti yüksək dəqiqlikli görüntülərin köməyilə yüksək etibarlılıqla dəyərləndirilir. Bu müayinə aparılarkən mövcud bütün digər cihazlarla müqayisə olunduqda 80%-dək aşağı radiasiya dozası ilə işlənilir. Bütün bu prosedurlar klinikadakı ən son texnologiya olan 256 kəsikli KT cihazı ilə həyata keçirilri.
Kompüter Tomoqrafiyası (256 slice)
Kompüter Tomoqrafiyası rentgen şüasından istifadə edərək müayinə olunan nahiyənin en kəsiyinin görüntüsünün əldə olunmasını təmin edir. Daxili orqanların, yumşaq toxuma və sümüklərin dəyərləndirilməsində istifadə olunur. Liv Bona Dea Hospital sahib olduğu GE Discovery CT750 HD (Spectral Imaging) – (Siemens Somatom Definition AS və Siemens Somatom Definition Flash) tomoqrafiya cihazı bütün tomoqrafiya sistemlərindəki xüsusiyyətlərlə yanaşı, HD dedektorla qabaqcıl səviyyədə görüntüləmə bacarığına malik bir sistemdir.
Xəstəliyin Diaqnostikasında Qabaqcıl Müayinə
Birbaşa rentgenoqrafiyada göstərilə bilməyən beyin kimi bir çox hissənin qiymətləndirilməsində ilk tələb olunan müayinələr arasındadır. Birbaşa rentgendə problemlə qarşılaşdıqda və ya xəstənin klinik vəziyyətini izah etməyən əlamətlər olduğu halda, xəstəliklərin diaqnozunda tələb olunan qabaqcıl testlərdən biridir.
Daha az şüalanma
MRT və Ultrasəs kimi müayinələr radiasiyasız üsullar olduğundan xəstə radiasiyaya məruz qalmır. Birbaşa rentgenoqrafiya, KT və angioqrafiya cihazı kimi rentgen şüalarından istifadə edərək görüntü əldə edən zaman xəstə müəyyən radiasiyaya məruz qalır. Liv Bona Dea Hospital Radiologiya Bölməsi istifadə etdiyi texnologiyalarla şüalanma dozasını 80% azaldır.
Uşaqlar üçün xüsusi çəkim
Sistemdəki xüsusi pediatrik parametrlərin köməyilə Liv Bona Dea Hospitala gələn pediatrik xəstələrin boy və çəki nisbətlərinə görə rentgen dozalarına yaxın minimum şüalanma dozası ilə tomoqrafik görüntüləmə həyata keçirilə bilir.
Yüksək səviyyəli görüntüləmə
HD alqoritmlərin köməyilə ürək mənfəzi və stentdaxili dəyərləndirmə asanlıqla və etibarla həyata keçirilə bilər. Bu alqoritmlər bütün oynaq və yüksək dəqiqlik tələb edən nahiyələrdə çox yüksək diaqnostik keyfiyyətin əldə olunmasını təmin edir.
3 Tesla MR
Tibbi diaqnostikada istifadə olunan ən yüksək və inkişaf etmiş radioloji üsullardan biri olan MRT (Maqnit Rezonans Tomoqrafiya) insan bədənindəki təbii parametrlərdən istifadə edərək görüntü yaradır. MR cihazları, 0,2 ilə 3 Tesla MR arasında maqnit sahəsi gücünə malik cihazlardan yaranır. Liv Bona Dea Hospital Radiologiya Klinikası ölkəmizdə çox az mərkəzdə mövcud olan geniş maqnit (70 sm) 3 Tesla MR cihazı ilə yüksək keyfiyyətli görüntü və xəstə rahatlığını təqdim edir. Beləliklə, ətraflı görüntülər əldə olunur.
3 Tesla MR-nin üstünlükləri
Cihazın daxili genişliyi xəstənin MR çəkiminə uyğunluğunu və rahatlığını artırır. Qapalı yerdə qalma qorxusu və artıq çəkili xəstələrin də MR çəkdirməsini mümkün edir.
3T cihazlarında xəstə rahatlığına təsir göstərən ən mühüm amillərdən biri də müayinə zamanı yaranan yüksək səs səviyyəsidir. Bəzi xəstələr bundan çox narahat ola bilirlər. 3T cihazlarında xəstənin hiss etdiyi səsi 40%-dək azalda bilən səs azaltma texnikası mövcuddur.
Müayinə zamanı xəstələrin xoş vaxt keçirmələri üçün musiqi sistemi və video yayım da mövcuddur.
Hərəkət, bədənə taxılı MR-ə uyğun metal protez və implantlar səbəbilə görüntünün pozulmasının qarşısını alma proqramının köməyilə bütün çəkimlərdə görüntünün keyfiyyəti yüksəkdir.
Nə zaman, nə üçün istənilir?
Xəstəliklərin diaqnostikasında aparıcı rol oynayan qabaqcıl radioloji müayinələrdən biri olan MRT birbaşa rentgendə problemlə qarşılaşdıqda və ya xəstənin klinik vəziyyətini izah edə bilməyən əlamətlərin olması zamanı tələb olunur..
MRT həm də birbaşa rentgenoqrafiyada göstərilə bilməyən beyin kimi bir çox orqanın dəyərləndirilməsində ilk tələb olunan müayinələr arasındadır. Kompüter tomoqrafiyası sümük strukturlarının dəyərləndirilməsində, MRT isə yumşaq toxumaların göstərilməsində daha uğurlu görüntülərin əldə olunmasını təmin edir.
● Yüksək Görüntü Üsulları
● Yüksək MR görüntüləmələri
● MRT-enteroqrafiya
● Multiparametrik prostat MRT
● MR-fistuloqrafiya
● MR spektroskopiya (Multivoksel, single voksel və 3D voksel)
● Diffuziya tenzor görüntüləmə (DTI)
● MR sisternoqrafiya
● MR mieloqrafiya
● MR artroskopiya,
● Liv Bona Dea Hospital Radiologiya Klinikasında bundan başqa ən son texnoloji kompüter proqramlarının köməyilə rəngli xəritələndirmə və müxtəlif bucaqlardan müayinə aparıla bilər.
