Uşaq Revmatologiyası

Uşaq Revmatologiyası Bölməsi Nədir?
Uşaq revmatologiyası 0-18 yaş arası uşaqların dayaq-hərəkət sistemi xəstəliklərini müayinə edən bir bölmədir. Uşaqlarda ayaq, oynaq ağrıları böyümək prosesinin əlaməti olsa da, bu proses 3 həftədən çox davam edirsə, hərarət normadan çox olarsa revmatoloqa müraciət etmək lazım gələ bilər.



Uşaq Revmatologiyası Hansı Xəstəlikləri Əhatə Edir?
Ailəvi Aralıq dənizi qızdırması (FMF)
Ölkəmizdə ən çox rast gəlinən uşaq xəstəliyidir. Əsas əlamətləri yüksək hərarət, qarın ağrısı, şişkinliklə müşayiət olunan oynaq ağrısı və  döş qəfəsi ağrısıdır. Xəstəlik müalicə olunmazsa, sonrakı yaşlarda böyrək çatışmazlığı kimi sağlamlıq problemlərinin yaranması mümkündür.

Yuvenil Idiopatik Artrit (JIA)
Yuvenil idiopatik artrit, ən çox rast gəlinən xəstəlik alt tiplərindən biri olan Sistemik Yuvenil İdiopatik Artrit hərarət yüksəlməsi və dəri səpgiləri ilə özünü büruzə verir. Böyüklərdə revmatoid artritin bir analoqu olan Seropozitiv Poliartikulyar Yuvenil İdiopatik artrit isə pediatrik xəstələrin 10% dən azında rast gəlinir. Uşaqlıq çağına xas daha bir alt qrup Seronegatif Poliartikulyar Yuvenil İdiopatik artritdir və geniş yayılmış böyük və kiçik oynaq zədələnmələri ilə xarakterizə olunur.

Hər bir xəstəliyin doğru təsnifatı və müalicəsi üçün ətraflı və düzgün diaqnostika, laboratoriya tədqiqatları və rəntgen diaqnostik metodların tətbiqi əhəmiyyətli rol oynayır. Bu, həkimin xəstəliklərin mövcudluğunu və əlamətlərini düzgün şəkildə qiymətləndirməsini və müalicə planını düzgün şəkildə tərtib etməsini təmin edir.