liv tibbi bölmələri
Uşaq Ürək - Damar Cərrahiyyəsi
Uşaq Ürək-Damar Cərrahiyyəsi
Uşaq Ürək və Damar Cərrahiyyəsi Bölməsi
Anadangəlmə ürək xəstəliklərinin müalicəsində ən vacib məqam tibbi yoxlanışlara müntəzəm qaydada gəlməkdir. Xəstələrin ailələri uşaqlarındakı sadə yuxarı tənəffüs yolu xəstəliyinin ciddi bir problemə çevrilə biləcəyini, hansı hallarda təcili olaraq həkimə müraciət etməli olduqlarını bilməlidirlər. Liv Bona Dea Hospitalın Ürək-Damar Cərrahiyyəsi Klinikasında anadangəlmə ürək xəstəliklərinin əməliyyatı təcrübəli cərrahi komanda ilə yanaşı, təcrübəli anesteziya komandası və intensiv terapiya bölməsinin köməyi sayəsində yüksək müvəffəqiyyət göstəriciləri ilə həyata keçirilir. Liv Bona Dea Hospitalın Ürək-Damar Cərrahiyyəsi Komandası anadangəlmə ürək xəstəliklərinin cərrahi müalicəsini uğurla həyata keçirə biləcək təcrübə və biliyə malikdir.Anadangəlmə Ürək Xəstəlikləri
Uşaqlıq dövründə müşahidə olunan ürək xəstəliklərinin əksəriyyətini anadangəlmə ürək xəstəlikləri təşkil edir. Bu struktur pozğunluqları hamiləliyin çox erkən dövrlərində ürəyin normal inkişafının təsirə məruz qalması nəticəsində yaranır.Anadangəlmə Ürək Xəstəlikləri Nə Üçün Baş Verir?
Anadangəlmə ürək xəstəlikləri cəmiyyətdə təxminən hər 100 körpədən birində rast gəlinir. Ürək kameraları arasındakı dəliklər, kameralar arasındakı qapaqların struktur pozğunluqları, ürəyə qan vuran ya da ürəkdən çıxaraq bədənə və ağciyərlərə qan daşıyan damarların quruluşunun normadan fərqli olması ilə bu xəstəliklər yaranır. Anadangəlmə ürək xəstəsi olan uşaqlar bu struktur anomaliyalarının dərəcəsinə əsasən klinik gedişat göstərirlər. Bəzi kiçik dəliklər öz-özünə bağlana bilər; bu növ uşaqlar yaxından təqib edilirlər. Ultrasonoqrafiya ilə ana bətnində ağır ürək anomaliyası diaqnozu qoyulan körpələr doğulan kimi əməliyyat oluna bilərlər.Anadangəlmə Ürək Xəstəlikləri Genetikdirmi?
Xəstəliklərin yaranma səbəbləri dəqiq bilinməsə də, hamiləlikdə keçirilən bəzi viral xəstəliklər (məxmərək kimi), radiasiyaya məruz qalma, əvvəlki hamiləliklərdə ya da ana-atada anadangəlmə ürək xəstəliyinin olması, hamiləlikdə bəzi dərmanların istifadəsi, hamiləlikdə alkoqol və siqaret istifadəsi kimi hallar riski artırır. Bəzi genetik xəstəlik sindromlarında da anadangəlmə ürək xəstəlikləri daha çox müşahidə olunur.Anadangəlmə Ürək Xəstəliklərinə Diaqnoz Necə Qoyulur?
Hamiləlik dövründə anadangəlmə ürək xəstəliklərinin əksəriyyətinə təcrübəli həkimlər və yüksək görüntüləmə keyfiyyətinə malik cihazlar tərəfindən aparılan “3 ölçülü ultrasəs müayinəsi” ilə diaqnoz qoymaq olar. Belə ki, xəstə olan körpə doğulan kimi tibbi müalicəyə başlanılır və lazım gələrsə, dərhal əməliyyat olunaraq müalicəyə başlanılır.Anadangəlmə Ürək Xəstəliklərinin Əlamətləri Nələrdir?
● Ürək döyüntüsü● Nəfəs darlığı
● Göyərmə
● Çəki artıra bilməmə
● Tez yorulma
● Körpələrdə süd əmərkən göyərmə
● Narahatçılıq
Anadangəlmə Ürək Xəstəlikləri Necə Yaranır?
Ürək xəstəliyi bəzi uşaqlarda heç bir şikayət olmadan tibbi müayinə zamanı aşkarlana bilər. Bu səbəblə, ailələr sağlam körpə və uşaqlarını müntəzəm olaraq pediatrın müayinəsinə gətirməlidirlər. Müayinə və EXO ilə yanaşı, lazımi hallarda angioqrafiya olunaraq xəstəliyin diaqnostikası, dərəcəsi və necə müalicə ediləcəyi planlaşdırılır. Anadangəlmə ürək xəstəliyi əməliyyatları “tam düzəltmə əməliyyatları“ şəklində bir dəfə əməliyyat olunaraq düzəldilə bildiyi kimi; “palyativ əməliyyatlar” kimi müəyyən zaman aralıqları ilə 2-3 əməliyyatla da müalicə edilə bilərlər.Anadangəlmə Ürək Xəstəliyi Olan Uşaqlar Nələrə Diqqət Etməlidirlər?
Müntəzəm qaydada müayinələrdən keçmələri və müalicələrini gecikdirməmələri də çox vacibdir. Çünki xəstəliyə bağlı olaraq qan təzyiqi dəyişiklikləri, ürək funksiyalarındakı dəyişikliklər təqibdə olan xəstələrdə belə ani dəyişikliklər göstərə bilər. Bu hallarda, bəzi xəstələr, təəssüf ki, əməliyyat şanslarını itirirlər. Xəstələrin ailələri uşaqlarındakı sadə üst tənəffüs yolu xəstəliyinin ciddi bir problemə çevrilə biləcəyini, hansı hallarda təcili olaraq həkimə müraciət etməli olduqlarını bilməlidirlər.Anadangəlmə Ürək Xəstəliyi Olan Uşaqlar İdman ya da Müxtəlif Fəaliyyətlərlə Məşğul Ola Bilərlərmi?
Uşaqlar həmişə xəstəliyin əhəmiyyətini dərk etmirlər. Buna görə də, fiziki səylərini artırırlar. Həddindən artıq hərəkətlilik ürək çatışmazlığına, ritm problemlərinə, ürək dəliklərindəki qan axınının geri dönməsinə səbəb ola bilər. Bütün bu sadalananlar uşağın həyatını təhlükə altında qoya bilər.Ailələr xəstəliyin növünə, dərəcəsinə görə həkimlərdən uşaqları üçün hansı fəaliyyət növünün seçilməsi mövzusunda peşəkar dəstək almadan hərəkət etməməlidirlər.
Həkimlərimiz