TAVI Nədir? 

TAVI, keçmişdə olduğu kimi döş qəfəsini açmadan və ürəyi dayandırmadan kəskin şəkildə daralmış aorta qapağının kateter köməyi ilə irəli çəkilən yeni bioloji qapaqla əvəz edilməsi prosedurudur. 10 ildən artıqdır edilən bu prosedur zamanla texnoloji cəhətdən inkişaf edib və artıq bir çox xəstə yatızdırılmadan belə müalicə oluna bilir. Yeni texnologiyalarla edilən əməliyyatlardan 1-2 gün sonra belə evə buraxılma mümkün ola bilər.

TAVI Proseduru Nə Deməkdir?

Bu prosedur iki fərqli adla tanınır:

TAVI

Transkateter aorta qapağı implantasiyası 

TAVR

Transkateter aorta qapağının dəyişdirilməsi

TAVI Qapağı Necə olur? 

TAVI üsulu ilə yerləşdirilən aorta qapaqları bioloji qapaqlardır. Əsasən mal-qara və donuz qapaqlarından istifadə olunur. Onlar bəzi aşınmaya qarşı materiallarla örtülmüşdür. Metal stentə yerləşdirilən bu qapaqlar xəstə və daralmış aorta qapağının üzərinə balon köməyi ilə (Balon expandable) və ya öz-özünə genişlənən halda (Self expandable) yerləşdirilir.

TAVI Necə İcra edilir? 

TAVI damara yerləşdirilən stent proseduruna bənzər bir prosedurdur. Kateter vasitəsilə tam yığıla bilən qapaq xəstə qapağın üzərinə balonu şişirdərək və ya öz-özünə genişlənən halda yerləşdirilir və bununla da xəstə qapaq sağlam qapaqla əvəz olunur. Yeni qapaq genişləndirildikdə köhnə qapağı periferiyaya itələyir və işləməyə başlayanda sağlam və normal qan axınına şərait yaradır.

TAVI yoxsa Aorta Qapağı Əməliyyatı? 

Bu prosedur yaxınlarda FDA (ABŞ-ın Qida və Dərman İdarəsi) tərəfindən təsdiqlənib və aorta qapağı darlığı şikayəti olan xəstələrdə əməliyyat riski yüksək olduğu halda əməliyyata alternativ olaraq həyata keçirilə bilən bir müalicə üsuludur. Standart aorta qapağı əməliyyatı ilə TAVI arasında aydın fərqlər var. Ümumiyyətlə, standart qapaq əməliyyatı döş qəfəsinin açılması ilə həyata keçirilir. TAVI isə daha çox kateter vasitəsilə qasıqdan həyata keçirilə bilər. Döş qəfəsi sümüklərinə toxunulmadığı üçün xəstələr çox qısa müddətdə sağalır. Bu gün bir çox xəstələri yatızdırmadan, yalnız sedativ adlandırdığımız sakitləşdirici dərmanlarla belə müalicə etmək mümkündür.

TAVI Əməliyyatını Kimlər Etdirə bilər?

TAVI prosedurunun icra edildiyi xəstələr adətən 70-80 yaşlarında olur. Buna görə də, müşayiət olunan digər tibbi problemlər də var və bu tip minimal invaziv və sürətli sağalma gözlənilən metoddan daha çox fayda verəcəkdir. Yeni üsul olsa da, aorta qapağı xəstəliyi və ya digər müalicə alternativləri məhdud olan xəstələrin həyat keyfiyyətini əhəmiyyətli dərəcədə yaxşılaşdırır. Ürəyin daha çox zərər görməsinin qarşısını alır, həyat keyfiyyətini və ömrü artırır ki, bu da dərman müalicəsi ilə təmin edilə bilmir.