Sarı Nöqtə Xəstəliyi Nədir?

Sarı Nöqtə Xəstəliyi Nədir?

İnkişaf etmiş ölkələrdə 50 yaşdan yuxarı insanlarda görmə itkisinin ən mühüm səbəbidir. Bu, gözün işığa həssas sinir təbəqəsinin mərkəzindəki sarı nöqtənin və altındakı piqment və damar təbəqəsinin proqressiv pozulmasıdır.

Sarı Nöqtə Xəstəliyi Əlamətləri Nələrdir?

Erkən mərhələrdə hər hansı əlamət göstərməyə bilər. Bu səbəbdən müntəzəm kontrol müayinə vacibdir. Gec mərhələlərdə aşağıdakı kimi əlamətlər ortaya çıxa bilər;
•    Düz xətlərdə təhrif
•    Rəng canlılığında azalma
•    Əşyaları normalden kiçik görmə
Daha irəli mərhələlərdə mərkəzi görmə azalır; oxuma və üz tanıma çətinləşir.

Sarı Nöqtə Xəstəliyinin Səbəbi Nədir?

Qəti olaraq biliməsə də, risk faktorları aşağıdakı kimi sadalana bilər:

•    Yaş (en güclü amil)
•    Ailədə sarı nöqtə xəstəliyi
•    Ağ irq
•    Siqaretdən istifadə
•    Qadın cinsinə mənsubluq
•    Yüksək qan təzyiqi
•    Yüksək xolesterol
•    Açıq göz rəngi
•    Günəşə məruz qalma
•    Miopiya
•    Balıqdan az istifadə
•    Ürək və damar xəstəlikləri

Sarı Nöqtə Xəstəliyinin Növləri Hansılardır?

Yaş və quru olmaqla iki əsas növü vardır. Erkən mərhələlərdə sarı nöqtə altında sarı dənəciklər toplanır, piqment hüceyrələrində dəyişikliklər olur.

Sarı Nöqtə Xəstəliyinin Yaş Növü Hansıdır?

Yaş növ gec mərhələdə sarı nöqtə altından anormal damarlar çoxalaraq sızıntı və ya qanamaya səbəb olur.

Sarı Nöqtə Xəstəliyinin Quru Növü Hansıdır?

Quru növdə retina və altındakı toxumalarda hüceyrə itkisi olur.

Sarı Nöqtə Xəstəliyi Olduğunu Necə Anlamaq olar? 

Optik Koherens Tomoqrafiya (OCT) Nədir?

Optik Koherens Tomoqrafiya retinanı işıqla skrininq edib analiz edən və Yüksək rezolyusiyaya malik toxuma görüntüsünü təmin edən bir müayinədir. Ümumi prosedur müddəti bir dəqiqədən azdır. 
Floresein Angioqrafiya və İndosiyanin Yaşıl Angioqrafiyası Nədir?
Ön qol venasından tətbiq edilən maddənin torlu qişada və onun altındakı təbəqələrdə dövranının kameranın köməyi ilə görüntülənməsi prosesidir. Prosedur müddəti 15-25 dəqiqə arasında dəyişir.

Sarı Nöqtə Xəstəliyinin Müalicəsi Nədir?

Quru növ üçün elmi araşdırmalar davam etsə də, hazırda sübut olunmuş müalicə üsulu yoxdur. Bununla belə, Lutein, Zeaksantin, C və E vitaminləri, sink, omeqa 3-dən ibarət kompozisiyanın orta mərhələdən irəli mərhələyə keçidi ləngitdiyi sübut edilmişdir. Yaş növ üçün keçmişdə müxtəlif müalicə üsulları (lazer, fotodinamik terapiya) tətbiq edilsə də, bu gün istifadə edilən üsul göz içi inyeksiya ilə tətbiq edilən anti-VEGF dərmanlardır. Bu dərmanlar müxtəlif tətbiq formaları ilə istifadə edilə bilər. Prosedurların sayı ildə 3-12 arasında dəyişə bilər. Görmə qabiliyyətinin yaxşılaşdırılmasına nail olmaq mümkün olsa da, əsas məqsəd mövcud görmə qabiliyyətini qorumaqdır.

Sarı Nöqtə Xəstəliyi Kor Edirmi?

Sarı nöqtə xəstəliyi tamamilə kor edən bir xəstəlik deyil.

Sarı Nöqtə Xəstəliyi Eynəyi Nələr Ola bilər?

Görmə qabiliyyətinin itirilməsi səviyyəsindən asılı olaraq xəstələrə yüksək dərəcəli yaxın görmə eynəkləri, böyüdücü eynəklər və ya teleskopik eynəklərlə köməklik göstərilə bilər.